Ampati, Nov 24: Captain Williamson Sangma State University (CWSSU), Tura Campus-ni Department of Education, South West Garo Hills-o uni Balalgre campus-o November 11-14, 2025-ona minggni mongsonggipa manianirangko dakangaha.
November 11 tariko, “Reimagining Education in India: Pathways for the Future” ine katta bichongko done salsani symposium-ko ong·ate National Education Day-ko maniangaha, jeon Tony T. C. Marak (IFS, Retd.) mongsonggipa sokgipa ong·e re·baaha aro Don Bosco College, Tura-ni Principal Rev. Fr. Januarius S. Sangma, poraia-skianio AI aro manderangni gimin mongsonggipa agananiko dakangaha. Ia tom·bimonganio University-ni Registrar Ambrose Ch. Marak aro Deputy Registrar Singje Ch. Marak-ba bak ra·angaha. Ia symposium-ko Deiborme Lyngdoh dakdilangaha.
Sakbri niksenggipa manderangko ia tom·bimonganio resource person-rang dake okamataha—Prof. Sherwin May Sungoh, Prof. Brinda Bazely Kharbirymbai, Dr. Challang R. Marak, and Dr. Donberd Sangma—jemangan skigiparangna skie on·ani, pilak dolni manderangnan skie on·ani, artificial intelligence, aro apsangrik cholrangko on·ani bidingrango agan-talatanirangko dake National Education Policy (NEP) 2020-ni mongsonggipa bakrangko parakataha.
Ia salko manianio chatro-chatrirangni gisepo sea-jotani dingtang dingtang susaanirangkoba ong·atangaha.
Uandake, November 13 aro 14 tarikrango Application od Basic Statistics in Research and Education ine katta bichongko done salgnina workshop-ko ong·atangaha aro ianona social sicence-ni dingtang dingtang bakrangko poraigipa postgradyate chatro-chatrirang sak 100-na baten bak ra·angaha.
Ia workshopko Vice Chancellor Dr, Vasanthi Vijayakumar oprake on·angaha aro iano Prof Nikme S. C. Momin (NEHU Tura), Prof S, C, Subudhi (NEHU Tura), Prof. Brinda B. Kharbirymbai (NEHU Shillong) aro Dr. Dikki N. Marak (NLU Shillong) technical session-rangko dakdilangaha.
Ia session-rano NEP 2020-ni niksamsoanio pangchake skie ra·giparangni gisepo poraie aro am·sandie ra·anirangko bilakatna dingtang dingtang gadangrango skie ra·anirang, an·tang ranta ka·e nianirang, aro research-o pangchake changa-sapanikrangko skie ra·anirangni gimin talate on·angaha aro uko Dr. Kanika Das dakdilangaha.
Ia minggni programme-rangan poraia skianiko namgipa gadango dakna, dingtang dingtang cholrangko jakkalna aro mikkangchini skigiparang aro researcher-rangko ong·atna University-ni on·kange kam ka·aniko parakata.
Na·simang iakoba nina man·gen:
Na·simang iakoba poraina man·gen: Margherita-ni monastry ning·o Buddhist monk saksako so·ota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
