Shillong, May 20: Mongsonggipa multinational military exercise-ko Meghalaya a∙doko sokachakengon, Indian Army Budbar salo Shillong-ni sepango donggipa Umroi Miliatry Station-o PRAGATI 2026-ko a∙bachengataha, jeon dam 12 a∙songrangni sipai dolrang re∙baenba burung-bolgrimrang aro aa briarigipa biaprango bobil dake chakatgipa dolrangko warachakna damsan bakrime skie ra∙anirangko dakanggen.
Bhuran, Cambodia, Indonesia, Laos, Malaysia, Maldives, Myanmar, Nepal, Phillipines, Seychelles, Sri Lanka aro Vietnam-oni sipai dolrang re∙bae ia antignina ong∙atgipa exercise-o bak ra∙enga, aro ian Salgro Salaramo dingtang dingtang a∙songrangni sipai dolrangni mongsonggipa tom∙bimongaoni mingsa ong∙a.
Meghalaya a∙dokni a∙briarigipa ga∙nanggijagipa biap ong∙ani a∙sel ia skie ra∙anirangko ong∙atchakna namgipa biap ong∙a ine official-rang aganangaha.
Ia exercise-ko, chong∙motan Partnership of Regional Armies for Growth and Transformation in the Indian Ocean region-ko (PRAGATI) ong∙atanichi bak ra∙enggipa a∙songrangni gisepo ku∙mongrimanirang, kam ka∙rimanirang aro bakrimanirangko namdapatna miksongenga.
Bak ra∙na re∙bagipa sipai dolrangko uamangni Umroi-ona sokbaani somoio jatni dakbewalrangko ja∙rike rimchaksoanirangko dakangaha.
Jinma tom∙aniko a∙bachengon, ia exercise-ko ong∙atanichi bak ra∙enggipa a∙songrangoni sipai dolrangni gisepo kam ka∙anirango bakrimanirangko bilakbatatna aro a∙songko warachakanio neng∙nikanirangko namatna kamrangko ka∙na dakchakhen ine Indian Army-ni Additional Director General of Infantry, Major General Sunil Sheoran jinmana parakatangaha.
Ia skie on∙anirango ga∙nanggijagipa biaprango bobil dake chakatgipa dolrangko warachakani dingtang dingtang cholrangko dake nianirangko skie ra∙anggen.
Ia exercise-ko ong∙atanichi jatsa jatgipinni gimin u∙ie ra∙na aro sipai dolrangni gisepo bakrimanirangko dakna cholrangko on∙gen ineba official-rang aganangaha.
Ia tom∙bimonganio, India-ni sipai dolrang Atmanirbhar Bharat-ni ma∙ambioni ja∙rikbaenggipa warachakani dakbewalrang aro bosturangko mesokanggen.
Uandake, Indian Ocean jolo warachakani kamrangko ku∙mongrime ka∙na aro a∙songtangtangko warachakna bilakbatatna dakchakgen ine Indian Army aganangaha.
Na·simang iakoba nina man·gen:
Na·simang iakoba poraina man·gen: Lapangap songo meligrikgijanirangko namatna KAAC-ni ra•chakaniko M’laya sorkari sengenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
