Shillong, May 20: Meghalaya aro Assam a•dokni simao donggipa Jaintia Hills a•jani Lapangap songo, gama ge•anirangko dakanio meligrikna man•jaengani gimin Meghalaya sorkari, obostarangko namatna gita Karbi Anglong Autonomous Council (KAAC)-ni ra•chakaniko sengengkua ine u•iataha.
Meghalaya a•dokni Deputy Chief Minister aro Home (Police) Minister Prestone Tynsong-ni aganani gitade, Lapangap jolrango tom•tomaniko ra•bana kam ka•ani bak gita Budbar salo, Meghalaya-ni official-rang, ia jolrangona re•angaha. Lapangap songni manderang, chengonin ia biaprango game ge•e cha•baenggiparang ong•a ineba ua aganaha.
Ia jolrango a•dok damgnini manderang meligrikna man•jaengani gimin a•dokni Chief Minister Conrad K Sangma-ba, Assam sorkari aro KAAC-ni dilgiparang baksa agangrikaha ineba Tynsong aganaha.
Tynsong-ni parakatani gitade, a•dok damgnini gisepo meligrikgijanirangko namatna a•dok damgnini sorkarirang agangrikani pal, songni manderang aro biap damgnini dilgiparang an•tangtangan agan-chanchirime namatna gita dolgnian ra•chakmanaha.
Dolgni chanchirimani bak gita ia jolrango mirangko ge•na on•na gitaba tik ka•angaha indiba ia jolrango bolrangko ge•genchimode, mikkangchi a•arangko a•kanganio neng•nikanirang ong•katgen ine Meghalaya a•dokchipakni manderang, ia jolrango bolrangkode ge•na on•skajaenga.
Indake ong•engon, dolgnini gisepo obostarang namsrangkujaskal ia jolrango chel•chakgipa sipai dolrang donge, nirok sandianirangko dakangkugen ine a•dokni Deputy CM aro Home Minister Prestone Tynsong parakataha.
Na·simang iakoba nina man·gen:
Na·simang iakoba poraina man·gen: AIOCD-ni a·song gimiko jingjengataniko dakanichi Shillong aro a·songni bang·a a·dokrangon nangchakeako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
