Shillong, Dec 6: Re•baenggipa 2023 bilsini Assembly election-na Meghalaya a•dok gimikni dam 32 constituency-rangna United Democratic Party (UDP)-ni skanggipa sak 32 candidate-rangko Mongolbar salo, jinmana parakataha.
Ia sak 32 candidate-rangoni Garo Hills-naba sak 8 candidate-rangko parakataha aro uamangara, Kharkutta constituency-na Luderberg Ch Momin, Mendipathar-na Subroto G Marak, Resubelpara-na Tapash D Marak, Bajengdoba-na Rakman Ch Marak, Rongjeng-na Andreas G Momin, Salmanpara-na Ronald Rikman Sangma, Dalu-na Kennethson R Sangma aro Rajabala constituency-na Ashahel D Shira ong•a.
Ia chang election-oba apsan constituency-oni susana sienggipa UDP-ni MLA-rangara, Khliehriat constituency-oni Kyrmen Shylla, Amlarem-oni Lahkmen Rymbui, Mawthadraishan-oni Brolding Nongsiej, Mairang-oni UDP-ni president aro Assembly-ni Speaker Metbah Lyngdoh, Sohra-oni KHADC-ni chief executive membor Titos Chyne, Shella-oni Balajied Syiem, Ranikor-oni Pius Marwein aro Mookaiaw-oni Nujorki Sungoh ong•skaenga.
Mongolbar salo parakatgipa UDP-ni sak 32 candidate-rangoni gipinrangara, North Shillong constituency-na Dr Aman War, Sohiong-na HDR Lyngdoh, Mawkynrew-na Remington Pyngrope, Pynursla-na Anthony Kongwang, Jowai-na Moonlight Pariat, Nartiang-na Dawan Lyngdoh, Mawhati-na Baiahunlang Makdoh, Jirang-na Bathok Nongmalieh, Umsning-na Sunshine Makri, Mawryngkneng-na Dr Osaphi Jyrwa, Mylliem-na Mitchell Wankhar, Mawsynram-na Olan Suin, Nongstoin-na Polestar Nongsiej, West Shillong-na Paul Lyngdoh aro Nongthymmai constituency-na Jemino Mawthoh ong•a.
