Guwahati, Mar 9: Salgro Salaram-ni sakgni manderangko New Delhi-o jat basee kal·stekanirangko dakani bidingo Meghalaya-ni Skotong Minister Conrad K. Sangma raken jegalaha, aro ia obosta namen namgijagipa ong·a inenba dos dakgipa manderangni kosako rakgipa sastiko on·china authority-rango dabiangaha.
Ia janapgimin obosta Robibar attamo Saket District Court complex-ni sepango Malviya Nagar-o ong·angaha ine koborko man·aha. Knaani gitade, park damsao Manipur-oni me·tra saksa aro Assam-oni transgender saksako uamangni jatrango pangchake adita sak me·asarang kal·steke roaha, aro indake ong·anichi a·songni skotong songjinmao dongenggipa Salgro Salaram-ni manderangni naljokani bidingo jajrenganirangko ra·baaha.
India-ni dingtang dingtang bakrango Salgro Salaramni manderangni kosako kal·stekanirangko nike ua namen ka·onangaha ine Sangma aganangaha.
“Delhi-ni Saket Court sepango Manipur aro Assam-oni an·chingni manderangko bilchi-jakchi kal·steke roaniara namen namgijagipa ong·a. Mandeko jat basee kal·stekaniko ra·chakna nangja aro an·ching uni kosako ja·ku de·na nanga. Uamangni kosako rakgipa sastiko on·china anga authority-rango dabienga,” ine Sangma social media-o see parakataha.
Manipur-ni skotong minister gitcham N. Biren Singh ia ong·gimin obostako jegalaha, aro iandakgiparang an·chingni songsaro biap dongja ine aganangaha.
Una agreba, Salgro Salaram-ni manderang a·songni pilak bakrangon naljokaniko, aro mande ra·aniko man·na nanga ineba ua aganangaha.
Thank you for your prompt action @DelhiPolice @gupta_rekha https://t.co/n4znjyByXB
— Conrad K Sangma (@SangmaConrad) March 9, 2026
Ia obosta ong·anichi Salgro Salaram a·dokrangoni manderangni metropolitan songjinmarango jato pangchake kal·steka manianirangko pil·taie parak ong·ataha.
Conrad Sangma aro Biren Singh-ni social media-o seatgiminrangna aganchake, ia obostani bidingo criminal case-ko segataha aro dos dakgiparang sandina aro rim·na manderangko donataha ine Delhi Police parakataha.
Uandake, saksa bilsi chu·ongmangijagipa mandekode rim·aha, aro dongkuenggipa manderangko rim·na sandianirangko dakengkua ine police-rang aganangaha.
“Sir, niamni ning·o kragipa section-rango pangchake criminal case-ko segataha ine na·simangna u·iatenga. Delhi Police dolrang kal·stekako man·gipa baksa golporongenga aro pilak nanggipa dakchakanirangko on·enga. Dos dakgiparangko man·a dipet ta·rake rim·na man·na gita bang·a police dolrangnan ge·etaniko on·ataha,” ine Delhi Police aganangaha.
Unbaksana, Delhi Police indakgipa obostarangko nie dongja aro dos dakgiparangni kosako rakgipa sastiko on·gen ineba agandapangaha.
Na·simang iakoba nina man·gen:
Na·simang iakoba poraina man·gen: Baghmara-o Green Meghalaya aro FOCUS+ program-ni namgnirangko CM sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
