Baghmara, Mar 9: MDA sorkarini bilsichet gapaniko maniani bak gita Sombar salo, ‘Our Magnificent Vision 2032 | Meghalaya’ program-ko South Garo Hills a•jani Baghmara-o ong•atangaha aro ia program-ko ong•atanio Meghalaya a•dokni Chief Minister Conrad K Sangma, mongsonggipa sokgipa ong•e bak ra•angenba, FOCUS+ aro Green Meghalaya-ni namgnirangko suale on•angaha.
Ia tom•bimonganio, a•dokni Chief Minister, jinmana aganprakangengon, a•dokni dingtang dingtang biaprango, mongsongbate songadam nokadam aro buring bolgrimarigipa biaprango namroro silroroaniko ra•bana sorkarini ka•enggipa kamrangni gimin agan-talatanirangko on•angaha.
In Baghmara, South Garo Hills District, we handed over sanctions to Farmer Producer Groups under the FOCUS+ programme.
Today, ₹2.02 Crore was disbursed to existing beneficiaries and ₹12.60 Lakhs to new beneficiaries under the farmers’ welfare programme. Through FOCUS and… pic.twitter.com/iBVKcYfMcL
— Conrad K Sangma (@SangmaConrad) March 9, 2026
South Garo Hills a•jana uni ka•enggipa kamrangni gimin janapatengon, batanggimin bilsichetni gisepo ua baditaba chang South Garo Hills a•jaona re•baaha aro a•dokna namroro silroroaniko ra•baanio South Garo Hills a•jako mongsongbatgipa ong•e ra•na nangani gimin ua pangnan aganaha ine Chief Minister parakataha.
An•tangni Chief Minister ong•e South Garo Hills a•jao skanggipa tom•aniko ong•atani bidingo janapatengon, ua South Garo Hills a•jao namroro silroroaniko aro dingtanganiko ra•bana ku•rachakaha aro da•alo sorkari, manderangni nangnikani gita pilak kamrangko chu•sokate on•na man•kujaengoba, a•jao dingtang dingtang namroro silroroani kamrangko ra•bae on•na raken kamko ka•aha ine Sangma aganaha.
Batanggimin bilsichetni gisepo a•dok sorkarini South Garo Hills a•jao ra•gate on•gipa dingtang dingtang project-rangni giminba Chief Minister talataniko on•angaha.
A•dokni budget-o dingtang dingtang kamrangna tangka paisa chamaniko janapatengon, mongsonggipa department-rang, jekai PHE-na crore 354-ni project-rang, Education-na crore 235-ni project-rang aro Tourism-na crore 90-ni project-rangko sorkari chamataha ine Chief Minister parakataha.
Today we also distributed cheques to beneficiaries of GREEN Meghalaya, a program that incentivizes community members and individuals to preserve the forest and its natural resources pic.twitter.com/gj7pV1CNst
— Conrad K Sangma (@SangmaConrad) March 9, 2026
CM Elevate program-na crore 5.7-ko, Green Meghalaya-na crore 7.18-ko aro FOCUS+ program-na crore 11.24-ko chamataha ineba Chief Minister parakataha.
Batanggimin bilsichetni gisepo South Garo Hills a•jana gong crore 2,144-ni dingtang dingtang project-rangko ra•gate on•aha ine janapatengon, Development of North Eastern Region (DoNER) Ministry-ni ning•o crore 140 chamenggipa Greater Baghmara Water Supply Scheme-ni gnigipa bakko tender on•e bakan a•bachenggnok ine Chief Minister parakataha.
Skango galchipako man•batsranggipa a•ja ine mingsinggipa South Garo Hills, da•o ka•sinsin manderangni namnikbatsranggipa a•ja ong•baengaha ineba Sangma aganaha.
Ia tom•anio, a•dokni PHE Minister Marcuise N Marak-ba dongpae jinmana aganprakangengon, ‘Magnificent Meghalaya’-na sorkarini niksamsoenggipani gimin janapangenba, Chief Minister Conrad K Sangma-ni dilanichi, a•dokni economy-ko dollar billion 10 ong•ate a•songo nambatsranggipa dam 10 a•dokrangoni damsa ong•atna kam ka•enga ine parakataha.
Na·simang iakoba nina man·gen:
Na·simang iakoba poraina man·gen: Škoda Auto India-ni skanggipa dealershop-ko Shillongo oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
