Guwahati, May 24: Batanggimin 2021 bilsio, Dholpur Gorukuti chisamo niamgri songdongenggipa te 1418 nokdangrangni kosako bulldozer jakkalahachim aro ua somoio saksa mande siahachim. Adita jarangni jamano, Guru Khuti Agricultural Project-ni chiring rikamjolo, changsatai niamgri nokrik nokdake songdongenggiparang dongtaiaha aro ia nokdangrangni kosako, changsatai Assam sorkari, bulldozer-rangko jakkaltaiaha.
Indake dakanichi, ua jolo songdongkamgipa manderangna neng•nikanirangko ra•baskaani ong•skaaha aro te 379 nokdangrangko a•rikgalatna man•aha ine nikna man•a.
Guwahati High Court-ni Senior Advocate, Ilyas Ahmed, East Gorukuti-o bulldozer-rangko jakkalaniara namen onia ka•ani ong•a aro ian Assam sorkarini mikkang nitee jatsako mangmang a•rikgalani ong•a, iandakgipa bewalo Bulldozer-rangko jakkalaniara kraani ong•ja ine aganaha.
Ittehad Front-ni Assam State President, Nurul Islam-ba, indake bulldozer-ko uamangni kosako jakkalahanina suk ong•gijaniko parakatan baksa, ia kamko ka•ania chu•gimikan kraani ong•ja aro bilsi 2021-oba bulldozer-rangko jakkalanichi saksa mande janggi galna nangao ga•akaha ine janapataha.
Na·simang ia video-koba nina man·gen:
Na·simang iakoba poraina man·gen: DD Kisan minggni AI anchor-rangko a•bachengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
