Guwahati, Jul 8: Mongolbar salo, Assam a•dokni Dhubri a•jao donggipa Chapar Revenue circle-o niam gri songdongenggipa manderangko a•rikgalengmiting somoio, sorkari official aro police-rangko ro•ongrangchi goe chadrapaha.
Ro•ongrangchi goe chadrapanio, niam gri songdongenggipa manderangko a•rikgalenggipa adita sak official-rang saknaanirangko man•na nangaha aro uamangni jakkalenggipa ostrorangba nosto ka•ako man•aha.
Assam Power Distribution Company Limited (APDCL)-ni thermal power project-na bigha 3,500 ong•gipa sorkarini a•arango niam gri songdongenggipa manderangko a•rikgalengmiting somoio iandake so•sojengjeng ong•aniko nikna man•aha.
Kobor on•timgiparangni u•iatani gitade, Santoshpur, Charuabakhra aro Chirakuta songrango niam gri songdongenggipa manderangko a•rikgalengmiting somoio, jolo songdongenggipa manderang, sorkari official-rang aro sipai dolrangko ro•ongrangchi goe chadrapaha aro ro•ongrangko goanio, adita garirang aro nokrangko pe•galna jakkalgipa ostrorang nosto ka•ako man•aha.
Iandake so•sojengjeng ong•engmiting somoio manderangko katatna gita police-rang, gol•dikrangchi manderangko dokruruna nangaha. A•sel ong•ani ja•man ua biaprango sipai dolrangko dondapataha aro so•sojengjeng ong•aniko namatna man•aha.
Na·simang ia video-koba nina man·gen:
Na·simang iakoba poraina man·gen: National Games 2027-o susana Tura-o seokanio sak 25 boxer-rang bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
