Dibrugarh, July 5: Sukrobar salo, ramasamo cha·ani ringanirangko pale cha·gipa manderangna rongtal an·talaniko rakkiani bidingo skie on·a gita Food Safety Training aro Certification (FoSTaC) Programme-ko Dibrugarh-o ong·atangaha. Ia training-ko Assam Food Safety Department-ni dakchakanichi, Nestlé India aro National Association Of Street Vendors Of India (NASVI) apsan bakrimenba ong·atanangaha.
Dibrugarh-ni Municipal Corporation (DMC)-o Food Safety-ni gimin skie on·a ia training-ko changgni dake sak 60 ramasamo cha·ani palgiparangna on·atangaha, jeon uamang maikai cha·ani ringanirangko name tarian baksana rongtale rakkina aro uni sepangjolo donggipa biaprangko rongtale an·tale rakkina nangachim uni gimin skie ea·angaha. Training matchota jaman, skie ra·gipa sakantian Safety and Standards Authority Of India (FSSAI)-oniko official certificate-rangko man·aha.
Ia program-ara, Nestlé India-ni “Serve Safe Food” program-ni bak ong·a, jean Assam-ni dam 10 a·jarango donggipa ge 2,500 ramasamo cha·ani palgiparangna Food Safety-ni gimin skie on·a miksonganio ong·atanggipa program ong·a. India gimiko, dam 26 a·dokrang aro dam 4 Union Territory-rangoni sak 92,800 ramasamo cha·ani palgiparang ia training-ko man·tokaha. Ia training-ko ong·atgipa dolrangni bebe ra·ani gitade, iako dakanichi ramasamo palenggipa cha·anirangko rongtalatan baksana naljokgipa ong·atna dakchakaniko on·gen.
Na·simang ia video-koba nina man·gen:
Na·simang iakoba poraina man·gen: NPYF sak 137-ba baten chatro-chatrirangko mande ra·aniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
