Dibrugarh, March 23: Re•baenggipa Assam Lok Sabha Election-na, Aam Adami Party (AAP)-ni manifesto ba jinmani namgnina kamrangko ka•na miksongani lekkako, Dibrugarh songjinmao AAP-ni Chief Whip aro Timanpur-ni MLA Pandey-ni dongpaanio jinmana parakataha.
Assam Tea Industry ba karkanarangko tang•dobatatan baksana lekka porani bidingo tang•dobatatani, nambata sanna bannani, chadamberangna kamrangko nakatatani, chi banna re•ani somoio naljokaniko ba dakchakanirangko on•a miksonganirangko uamangni manifesto-o janapataha.
Tom•anio, Dilip Pandey, BJP sorkari tol•pinikgipa ku•rachakanirangko dakenga ine matnange aganangaha. ” BJP sorkari 2014 bilsio bang•a tol•gipa ku•rachakanirangko dakenba bilo re•baaha indiba uamangni ku•rachakanirangko mingsakoba chu•sokatjaha. Indiba chingni dol Arvind Kejriwal-ni dilanichi chinga namen kamrangko ka•engachim indiba BJP sorkari maming namroro silroroatani kamrangko namnikjaenba bang•a neng•nikanirangko ra•baenga. Indake ong•engon, uamang tol•gipa case-o Enforcement Directorate (ED)-ko jakkale chingni dilgipa chong•motan Delhi-ni skotong minister Arvind Kejriwal-ko niamgri rim•aha,” ine Dilip Pandey, uni Dibrugarh Lok Sabha Election-o susana sienggipa Manoj Dhanowar-na campaign ka•na re•baani somoi aganangaha.
“Sorkarini skulrangni bidingo Assam-ni skotong minister aro Delhi-ni skotong minister-ni gisepo chanchianirang namen dingtanggrika. Assam sorkari, sorkarini skulrangko chipatenga indiba chingni sorkaride sorkarini skulrangko namdapatnasa jotton ka•enga. Uni giminan da•ororo Delhi, ian manderangna nambegipa dakmesokgipa ong•enga maina chinga skie ra•enggipa chatro chatrirangna chu•gimik nangnikanirangko on•enga. Chinga jekon ku•rachaka uko chinga chu•sokata, chinga tolgipa ku•rachakanirango bebe ra•ja,” ine Pandey aganangaha.
AAP dolni gita Lok Sabha Election-o susana sienggipa Manoj Pandey, na•simang chingko vote on•e cheatode chinga na•simangna dangdike on•gen ine ku•rachakangaha.
“Chingni dakgrikanide darang dolrang baksaba ong•ja indiba democracy-ko naljoke rakkinasa, maina an•chingni democracy namgijagipa jako ong•enga. Ia sorkari cha bijak tarigipa karkanarangko ra•dona maming ja•ku de•anirangko dakkuja indiba na•simang chingko cheata ong•ode chinga ia cha bijak tariani karkanarangko ra•dona kamrangko ka•gen,” ine Pandey aganangaha.
Na·simang iakoba poraina man·gen: INC-ni dilenganio bakrimgipa ge10 dolrang Manipur-ni LS seat-na candidate-rangko paraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
