Dibrugarh, May 14: Sonibar salo, Dibrugarh-o AS-01AK 6696 Scorpio gari bolsa, Phoolbagan-ona re·angengmiting somoio rang·san wa·al ching·gaoenba gariko kamgopaha.

Koborko on·ani gitade ia gario mande sakgni, Chowkidinghee-oni Phoolbagan-ona re·angengachim indiba Mancotta ramao overbridge-oni on·tisa badeange ia garioni wal·ku ong·katako nike, ia garioni mande sakgnian ong·kate kataha aro ia gario rang·san wa·al ching·gaoe ia gariko chu·gimik wa·al kamaha.

Ja·mano wa·al kimitgipa garirang ia biapona re·bae wa·alko kimitena man·aha indiba ua somoio ia gari chu·gimik wa·al kamgopako man·soahachim.

Rasong gnange ia a·sel ong·anio darangba saknaanirangko man·aha indiba sambao donggipa Baleno gari bolsaba adita wa·al kamchapako man·aha.

Short circuit-ni a·sel ia gario wa·al ching·gaoahakon ine chanchichipenga.