Guwahati, May 1: North India jolo ding•pretanirang batroroengon, Uttar Pradesh-ni Kannauj a•jao donggipa Lower Primary School damsao, chatro chatrirangni agre ding•dugaaniko komiatna inenba Principal an•tangan uamangni classroom-ko swimming pool tariaha, jeon bi•sarang chio jroe an•tangtangni be•enko ka•sinatenba poraijoljolna gita man•achim.
Ding•anirang 40°C ona kingking tang•doengon, skulona bi•sarangni re•baani komiroroangengachim. Indake skulni Principal, Vaibhav Rajput, ua skulni bi•sarangni an•seng baljokani gimin gisiko nange, uamangni classroom-o chiko gapatna mangsongaha aro ding•aniko komiatna man•gnigipa swimming pool-ko tariaha.
Indake, ia foot gnimang ong•e tu•gipa chio bi•sarangni kusi ong•e chi satprakgrike kal•grikaniko ka•gipa ja•wilwat giproroenga ine nikna man•a. Ia ja•kuko de•anichi, bi•sarangni skulona re•baanio bariroroanikoba nikna man•aha aro chatro chatrirangni an•seng baljokanina gisik on•e iandakgipa ja•kurangko de•aninaba ua jolo donggipa manderang Principal-ko mitelpilskaaniko dakangaha.
“Batanggimin adita salrangonin sal ding•pretanirang, 38°-40°C mangni gita tang•dororoenganiko nikna man•enga, jeni a•selan bi•sarangni skulona re•baaniba komiroroangahachim. Indake ong•genchimoba, jensomoio uamangni classroom-ko chi gapataha, unon bi•sarang re•bana a•bachengtaiaha. Da•alo uamang poraianiko dakan baksa, chio jroe ding•aoniko komiatnaba man•enga” Rajput aganaha.
Indake, India a•songni dingtang dingtang bakrango, ding•anirang 45°C mangona kingking tang•doanirangko man•engon, Indian Meteorological Department-ni gita, gitchak aro gitchakmrang rongrangchi ding•pretgniko mikrakataniko on•atani jamano, ia ja•kuko de•aha
Na·simang ia video-koba nina man·gen:
Na·simang iakoba poraina man·gen: Tura-o a•sel ong•anirangko chel•chakna sorkari rakgipa ja•kurangko de•a: Marcuise
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
