Shillong, Apr 27: Meghalaya a•doko je dakgipa a•sel ong•anioba niroke kamko ka•na gita sorkari tariaha ine Sombar salo a•dokni Revenue & Disaster Management Minister Lahkmen Rymbui parakatenba, pilak district administration-rangkon a•sel ong•ani somoirangona mikrake dongchina ge•etangaha.
Je dakgipa obostarangoba niroke kamko ka•na gita a•dok sorkari aro Disaster Management-o chu•onga gitan cholrang dongaha ine janapatengon, ia sal somoirango technology ba gital kolrangchi, je dakgipa a•selrangkoba agansona man•aiaha ine Rymbui, kobor ra•timgiparangna aganaha.
Da•o dipet a•dokni darang biaprangonin a•sel ong•anirangko u•iatanirangko man•soa dongkujaengoba, pilak a•jarangon dakchakgipa dolrangko tarie donsomanaha ineba Minister aganaha.
Rymbui-ni parakatani gitade, a•jatangtango a•sel ong•anirangko deputy commissioner-rangan disaster management-ni chairman ong•e nirokna gita bilrangko man•ahani gimin a•sel ong•a mingantikode a•dok sorkari jako ra•na nanggijan a•jatangtangon nirokna gita man•aia.
Disaster management-ode sorkarionisan ong•aigija manderangba bakrimanirangko on•engani gimin kam ka•giparangba chu•onga gitan donga ineba Rymbui aganaha.
Disaster Management Minister-ni parakatani gitade, a•sel ong•ani ine aganengon, uan mikka balwa ta•rakani, banggriani ba chi bananirangosan ong•aigija je a•sel ong•anioba pilakan bakrime kamko ka•na nangaia.
A•jatangtango dakchakanirangko on•na gita tangka paisa ba maiba chu•onggijanirang donggenchimode, District administration-rang sorkarina u•iatgen aro sorkari pilak nanga dakchakanirangko on•angaigen ineba Rymbui aganaha.
Na·simang iakoba nina man·gen:
Na·simang iakoba poraina man·gen: M’laya-ni songrango tangka-paisachi dakchakani cholrangko on·na MegLIFE aro MRB, MoU-ko soi ka·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
