Shillong, Dec 9: Re•baenggipa bilsio ong•atna sienggipa KHADC aro JHADC election-o United Democratic Party (UDP) aro Hill State People’s Democratic Party (HSPDP) dolrang, Regional Democratic Alliance (RDA)-ni ning•o apsan nangrime susana tik ka•aha aro iani bidingo ia dolrang, December-ni 11 tariko apsan tom•enba, seat-rangko sualgrikani bidingo chanchirimna tik ka•angaha.
KHADC-ni gitcham Chief Executive Membor (CEM) aro UDP-ni dilgipa Titosstarwell Chyne-ni kobor ra•timgiparangna u•iatani gitade, KHADC aro JHADC election-o susana gita kamrangko ka•soani bidingo aro seat-rangko sualgrikani bidingo UDP aro HSPDP-ni dilgiparang, Budbar walni 8:00 bajio apsan tom•enba chanchirimanggen.
KHADC aro JHADC-ni dam 29 seat-rangon UDP susana miksonganirang donga indiba iani bidingo HSPDP-ni dilgiparang baksa chanchirimesa badia constituency-rango susagen, ukode tik ka•anggen ineba Chyne parakataha.
District council election-o darang party-an chegopnade man•jawa aro election-ni ja•man dingtang dingtang party-rang bakrimesa Executive Committee-ko chalaina nangaigen ineba UDP-ni dilgipa, an•tangni ka•dongchakenganiko parakataha.
District council-o Executive Committee-ko chalaina gitade a•dok sorkariko chalaienggipa dolni bakrimaniko nangaigen ine National People’s Party (NPP)-ni dilgipa Ampareen Lyngdoh-ni agananikoba ua jegalataha aro district council-rangde autonomous ba jakgitel ong•gipa bimangsa ong•ani gimin sorkario pangchakgipa ong•ja ine Chyne talataniko on•angaha.
Na·simang ia video-koba nina man·gen:
Na·simang iakoba poraina man·gen: IIT Guwahati, methane aro carbon dioxide-ko mandena jakkaltobegipa to ong•atna gital technology-ko bikota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
