Shillong, Sept 25: Meghalaya BJP-ni national council member aro Garo Hills-oni BJP dolni a·gipi membor Pa Rikman Momin-ko, Pa Earnest Mawrie-ni biapo Sombar salo, dolni gital president-na seokangaha, uandake Pa Momin-ko BJP dolni national president Pa Jagat Prakash Nadda-ni seokanganiko janapatenba party-ni national general secretary aro headquarter-ni in-charge Pa Arun Singh, u·iataniko on·angskaaha.
Ma·mong BJP-ni dilgiparangni tik ka·anganiko Pa Mawrie namnikpaenba, batanggimin bilsi gittamna dolni padot ong·e kamko ka·na gita una cholrangko on·ahanina ma·mongni dilgiparangkoba mittelpilangaha. Chinga apsan ku·mongrimesa kamko ka·a aro jensomoio dongimin somoio matchotahaon dolni gital padotko chinga seoka aro iani gisepon anga mikkangchiba dolko mangrakdapatna gita kamko ka·angkugen ine Pa Mawrie agandapataha.
Ia seat-na maini gimin susaataniko dakjaha ine sing·on, Pa Mawrie, ia tik ka·aniko ma·mongni dilgiparangsa dakaha aro dolo uamang pangnan susaataniko dakgija joljol seokanikosa dakrongbaenga ine talataniko on·ange, batanggimin 2020 bilsio angko padotna seokangani somoiode, susaa gitan ong·aiaha maina unomiting Pa AL Hek aro Pa David Kharsati baksa chinga sakgittaman susaangaha, aro anga padotna seokaniko man·aha ine Pa Mawrie aganangkuaha.
Pa Rikman-ko dolni padotna seokgitikanichi doloni gipin memborrangna jagokmanpilani gita ong·ahani gimin, candidate-ni gimin ba an·tangni biapko ra·skana gita ua sako minggen iani gimin maming golpoanirang dongjaha ine Pa Mawrie janapatjolaha.
Indake ong·engon, Megahalaya BJP-ni gital president-na seoka man·gipa Pa Rikman Momin, salsa ba salgnirangni gisepon padotni biapko ra·angskagnok ine ka·dongsona gita man·enga.
Iakoba poraie nina man·gen: Assam-o mande saksani jakko den•sote gala
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
