Tura, Aug 2: Garo Hills a·jaoni ja·wilwat tarina sapanina mingsingako man·gipa Dominic Megam Sangma, gnigipa changna National Award-ko man·enba Meghalaya aro salgro salaram a·dokna mikkim rasongko ra·baaha.
Uni gitalgipa ja·wilwat ‘Rimdogittanga’ ba ‘Rapture’, chang 71-gipa National Film Awards-ko ong·atanio, Garo Hills a·jao donggipa manderangni dakbewalrang, uamangni janggi tangani, sia bon·ani aro bebe ra·aniko ia ja·wilwato ga·subee mesokahanina Best Garo Film award-ko man·aha.
Ia ja·wilwat, mikdo nanggipa bilsi 10-ni me·a bi·sani gimin aro Christian bebe ra·gipa manderangni songo bi·sarangko rim·sruke ra·enga ine jangbingani gimin kenchipchipe janggi tangani gimin tarigipa ong·a.
Satyajit Ray Film & Television Institute (SRFTI) baksa bakrime Dominic kam ka·engon, A·chik jatni janggi tangani gimin ning·tuen ia Rapture ja·wilwat-o janape tariaha. Ia mesokanirangan una National aro International gadango award-ko man·a dakchakaha.
Dominic, jean Film and Television Institute of India (FTII)-ni Screenplay Writing Department-o Head ong·e kam ka·enga, ua a·jatangni gimin ga·subee golporango dakmesoke mesokengasan ong·aija indiba Salgro salaram a·dokrangoni an·tangtangni golporangko agana sikgiparangna didianiba ong·enga ine nikna man·a.
Na·simang iakoba nina man·gen:
Na·simang iakoba poraina man·gen: 2021 bilsio kuligipa Assam-ni orphanage-ko hotel dake chalaianina sing•doanirang nakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
