Tura, May 3: College chatro-chatrirangni grongrime skie ra·grikani program Synergy 2025 jekon Turani Donbosco College-o ong·atangahachim May 3 tarik Sonibar salo nambee matchotangaha. Bon·chotgipa tom·ani salo dal·dalgipa dilgiparang, skigiparang bak ra·angtokaha. Meghalaya a·dokni Education minister Rakkam A Sangma, Himalaya Shangpliang Retd. IAS advisor to The minister of Education Meghalaya aro Donbosco College-ni Principal Fr. Januarius S Sangma mangni dongpaanichi ia program namen mikkim gnangbeaha.
Tom·aniko Donbosco College-ni assistant Proffessor Miss Jordana Diperachi dingtang dingtang jatni chrokanirangchi ga·subee dakdilangaha. ‘Dimdimdimchong Dachichong, Gogai Wai, Gosaiwai’ ring·anirang tom·aniko an·sengatbeaha.
IOAC ni Coordinator Dr. Barbara S Sangma rimchaksoani kattarangko agane ia program namen chatro-chatrirangna ra·bianirangko on·aha ine aganaha.
“Skia-porako ra·aniara sorkarini kamko ka·namangmangsan ine ong·aija Indiba namgipa cholon bewalrangko tariani, namgipa dilna ong·na skiani aro songsalna dangdike on·anirangan mongsonggipa ong·a” ine Fr. Januarius S Sangma aganaha. ” Guest of honour Shri H M Shangpliang (IAS, Retd.) tom·anio aganpaaniko on·engon, poraienggipa sakantian miksongatangko nisan done poraichina, neng·nikanirangko chena, aro a·doktang-chigatangko namroro-silroroatna kam ka·china didianiko on·angaha.
Ia tom·anio dingtang dingtang College ni chatro-chatrirangna Certificaterangkoba sualangaha. Dr. Mueller Buel M Sangma Asst. Proff. DBC Synergy 2025 ni Action planko aganangaha. Dr.Muellerni janapani gitade ia indakgipa programko ong·ate Turao donggipa chatro-chatrirangko poraianio nambatatna, ka·donganiko on·a, poraianio aro an·tangko tarianio nambatatna aro gipinrango namdapataniko aro tarianiko on·angna ine ong·a. Ia program baditana kingking bite nanggipa ong·aha uko uina gita bak ra·gipa chatro-chatrirangoniko feedback ba uamangni aganchakani aro programni nama namgijako parakaniko ra·aha. Ia indakgipa feedbackrangko man·anichi mikkangchide ia program ko namdapatna man·gnok. Mikkangchide ia programko bang·bata College aro skigiparangko bak ra·atna, program ni salno bakrodapatna a miksongenga.
Education minister Shri Rakkam A Sangma iandakgipa tom·anio aganpana okamahani gimin mittelpilaniko on·angaha. Chadamberang miksongatangko nisan done poraichina, poraiatang lesson-na agreba an·tangko wil·na dakchakgipa gipin poraiani aro daka rikanirangoba bak ra·na nanga ine aganangaha.
Na·simang ia video-koba nina man·gen:
Na·simang iakoba poraina man·gen: Ri-Bhoi-o sak 3 pekatgipa bosturangko palbadinggipa manderangko heroin baksa rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
