Guwahati, Nov 3: Robibar salo, Union Minister for Development of North Eastern Region (DoNER) Jyotiraditya Scindia, Guwahati-ni Indian Institute of Technology-o tangka kror 635-ni kamrangko a•bachengatna pangchakani ro•ongko songe on•enba Assam-o daka-rikanirangko poraia-skianirangko aro dingtang dingtang kamrangko namdapatna ja•ku de•anirangko dakaha.
Ia project-rang, Viksit Purvottar-ni niksamsoani ning•o Assam-o dingtang dingtang gitalgipa bewalo silroro-namroroani aro re•a-doani cholrangko ra•bana miksongenga jekai:
- Assam a•doko dam 65 secondary skul nokrangko namdapatna tarina – kror ₹455
- Chayagaon–Ukium ramako taridapna – kror ₹102.69
- Silonijan-Dhansiri Par Ghat-o RCC dolongko rikna – kror ₹20.59
- Ramphalbil-o (Kokrajhar) karkanarangko tarina– kror ₹14.40
- Lakhibazar-o (Baksa) karkanarangko tarina – kror ₹18.40
Ia tom•bimongani mongsonggipa bak-ara IIT Guwahati-o kror 22.98 tangkarangchi a•bachengatgipa North Eastern Science & Technology (NEST) ong•a aro ian Assam-ko Salgro Salaram-o songni-nokni manderangni dingtangmanchagipa cholrang, semiconductor-rang aro AI, wa•aoniko dingtang dingtang cholrang aro soatna man•gipa plastikrangko tarina a•bachengatgipa biap ong•atna miksongenga.
Ia NEST Cluster-ko a•bachengatanichi Salgro Salaram-o donggipa manderangni u•i-ma•sianirangko a•gilsakni dingtang dingtang neng•nikanirangko namatna jakkalna aro India-o technology-ko mikkangchi jakkalaniko chadamberangchi dilna man•gen ine Scindia parakataha.
Ia gitalgipa project-rang Assam-ko iandakgipa dingtangmanchagipa cholrangko tangchaatgipa ong•atgen – jeon gital chanchianirang bimang ong•gen, technology aro changa-sapani nangrimgen aro chadamberang an•tangtangni niksamsoanirangko chu•sokatgen, ine minister aganangaha.
Na·simang iakoba nina man·gen:
Na·simang iakoba poraina man·gen: Skulrangko namdapatna gita M’laya sorkari Mission IV-ko a•bachengatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
