Ampati, March 20: Mellim Primary Health Centreni ning·o, Dorambok songo meja mangmang kuligipa Urban Health & Wellness Centre-o World Oral Health Dayko gisik nangbee Budbar salo manitokaha. South West Garo Hills-ni ning·o, Rerapara C&RD Block-ni song damsa ong·a.
“A Happy Mouth is A Happy Body” ine pangchakaniko done ia salko manina South West Garo Hillsni National Oral Health Programme jako ra·e kam ka·dilaha. Tom·anio South West Garo Hillsni District Medical & Health Officer Dr. H Barman aro gipin Medical & Health Officerrang dongpaaha. Dorambok songni Nokma PT Sangma aro songni nokni gipinrangba gisik nange bak ra·tokaha.
Tom·anio dingtang dingtang sabisirangni bidingo u·i-ma·sie ra·aniko on·a baksana wagamko simsake rakkiani bosturangkoba sualaha. Malaria saani bidingo District Malaria Officer Dr. Lydia Marak che·em che·em agane on·aha.
Dental surgeon Dr. Cornellius R Marak, jean Oral Health Programmeni District Nodal Officer ong·a, ia manianio mongsong bak ong·gipa kattarangko aganaha. Be·en bimangni an·seng baljokaniko rakkianio wagam aro ku·sikna simsakanian mongsong pangchakgipa ong·aniko ua aganaha.
Indakgipa tom·aniko ong·ate manderangna u·i-ma·sianiko on·ahani gimin Dorambokni Nokma medical dolni manderangko mittel-mitchue aganaha.
Na·simang iakoba poraina man·gen: VPP dol, BJP-rangni bewalrangko jarike, beberagiparangko bilgriatna giljani dilgiparangko chadrapanina Pala VPP-ko matnange agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
