Shillong, Sep 22: Re•anggipa September-ni 19 aro 20 tarikrango, Mizoram a•dokni Henry Lalremsanga-ko drugs badinganio mongsonggipa mande ine Assembly-o matnangahani gimin, matnangako man•gipa mandeni ukil, Meghalaya a•dokni gitcham chief minister Dr Mukul Sangma-na legal notice ba ainni gita u•iataniko on•ataha.

Dr Mukul Sangma-na Lalremsanga-ni pal legal notice-ko on•atgipao ukil-ni parakatani gitade, Meghalaya Assembly-o aro uni ja•man media-rangni mikkangoba Henry Lalremsang-ni kosako kragija dake matnangahani gimin ia legal notice-ko on•ataha.

Follow NE Hub News with just a Click on Whatsapp; Direct Link here

Lalremsanga saksa samrangko badingna gita licence-rang donggipa mandesa ong•genchimoba, 2013 bilsio uko samrangna badinganina ong•gija dakesa rim•aha ine janapatengon, uni kosako maming sakkirang dongja ine 2018 bilsio New Delhi-ni Patiala House Court-ni ning•o donggipa ND&PS Act Special Court watpilaha ine uni ukil parakataha.

Henry Lalremsanga-ni kosako maming pangchakani gri matnanganiranga Lalremsanga-na uni nokdangna aro Mizo jat gimiknan nitogijaniko ra•baaha ineba Lalremsanga-ni Legal Counsel K Kharmawphlang & Associates parakataha.

Indake ong•engon, ia legal notice-ko man•soaoni salsni (7)-ni gisepon Lalremsanga aro uni nokdango kema bi•china, Lalremsanga-ni kosako maming matnanganirangko dakjachinaha aro sal 7-ni gisepon gong crore 20 tangkarangko gamchina gitaba ia legal notice-o Dr Mukul Sangma-ko u•iataha aro iarangko chu•sokatna man•jagenchimode Dr Sangma-ni kosako aino pangchake rakgipa ja•kurangko de•angkuna mikrakataha.

Iakoba poraie nina man·gen: NH 6-ko galchipengani gimin KSU jingjengatna tik ka•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub