Shillong, Sept 26: “Unleashing Every Child’s Full Potential for A Bright Tomorrow” ine pangchakaniko donenba, Meghalaya Early Childhood Development Mission-ni bidingo State Level Workshop-ko a·dokni skotong minister Pa Conrad K Sangma, Secretariat Building, Yojana Bhawan-o Sombar salo oprake on·angaha.
The Meghalaya Early Childhood Development Mission is a pioneering program in India with the goal to make investment in early years of a child- to shape their holistic development & lay strong foundations for their future.@PMOIndia @mansukhmandviya @smritiirani pic.twitter.com/aiiKujjpaO
— Conrad Sangma (@SangmaConrad) September 26, 2022
Tom·ao jinmana aganprakangengon, Early Childhood Development Program-ara namen gamchatgipa ge·sa program ong·a ine janapatenba, “an·ching pangnan bi·sani bilsi 14 ba 15 ong·manosa uamangna dingtangmancha gisik on·rongbata indiba bi·sani janggi tangani a·bachenggipa gadangrang namen rakgipa ong·ani gimin uni biterangba uamang janggi tanga gimiknan ong·a,” ine skotong minister aganangaha.
The ECD Mission will shape the future of our State through our children
I encourage all stakeholders joining us in the State Level ECD Workshop today to adopt a mission-mode approach in implementing the Mission, to work with purpose, clear outcomes & in a time-bound manner pic.twitter.com/rbSS4qI9nX
— Conrad Sangma (@SangmaConrad) September 26, 2022
Bi·sani gimin ja·manchi gisik on·batanina manderangni chanchisretaniko an·ching dingtangatna nangengaha. Bi·sani a·gilsako atchiahaon uamangni dal·roroani a·bachenga, aro ian bi·sako oko kegipa ma·gipani an·senganichi, cha·aniko on·anichi aro samtangtangni gita ong·na man·a aro atchiani ja·manon bi·sarang ta·raken dal·drobaa, indake uamangni be·en-bimango, chanchianio aro u·ianirango, skie ra·na bil amanio namdaprorobaa aro uandaken dal·ahao chu·sokgipa ong·na bilrangko man·na gita ama ineba Pa Sangma agandapataha.
Early Childhood Development, ian kam mingsao tangkako botani gita ong·a jechin mandeni an·seng-baljokani, tangka-paisani aro songsalni gita mande sakantina aro songsalna namgniko ra·bagnigipa ong·a ine talataniko on·an baksa, ia kamo ka·mabatgipa gadangoni dingtanganiko ra·bana gita 100 Days Mission Mode program-ko ong·atna chanchibewale nienganikoba skotong minister parakataha.
Ia mission-ni miksonganian, Anganwadi Centre-rangko ECD centre-rangona bimang ong·atna gitaba ong·jola. Unbaksana, gimik ge 5000 AWC-rangko ra·doatgen aro SHG cadre-oni sak 10,000 ECD facilitator-rang ECD centre-ni kamrango dakchakaniko on·anggen. Early childhood education-ni gimin jadokoni bilsi dokrangona bi·sarangna skie on·ani giminba sak 5800 Anganwadi Worker-rangna skie on·dapanirangko dakgen. ECD facilitator-rang baksana VHC-rang, nokantina ECD-ni gimin u·iate on·aniko dakna ma·gipa-pagiparangko okame tom·dilanirangko dakatgen.
Da·o donggipa SNP, ECD Day-o nanggni kamko chu·gimik ong·atna gita ICDS-ni ning·o do·chi sualani aro bi·sarangni dal·drobamiting somoini gamchatani gimin ma·gipa pagiparangna skie on·na tom·anirangko ong·atani, ICDS-ni ning·o sokatgimin ba sokatkugijagipa songrangni bi·sarang baksa agangrikani cholko dakani aro an·seng-baljoke dongani namgipa kamrangko ja·rikani bidingo counselling-ko on·na aro man·enggipa service-rangni gimin u·iatna gita skanggipa sal 1000-rango komibeoba chang 21-na bi·sani ma·gipa-pagiparangming golpoatna ECD Helpline-ko a·bachengate on·anian Meghalaya Early Childhood Development Mission-ni mitam kamrang ong·a.
Pringni bako iako oprake on·angani somoio, skotong minister, MECDM-ni logo ba chinkoba a·bachengate on·angjolaha. Indake, ia salsana ong·atgipa workshop-o a·dokni dingtang dingtang district aro block-rangoni official-rang bakko ra·angtokaha.
