Shillong, Sept 26: September 26 tarikni pring 11:25 bajimango Nongpoh-ni Pahamsyiem songo sigimin manggisiko nikaha ine kobor-na ui·ataha.
Kobor-ko man·arin Nongpoh Police a·damona re·ange nion me·chik bi·sa bilsi 19-ni manggisi songni rama samo siakosa nikaha.
Am·sandie man·ani gita, bilsi 30 ong·gipa mande pringonin jegrikahachim aro sianggipa baksa apsan dongrimachim ineba ui·na man·aha.
Niamo pangchake dosini kri mamla-ko segataha aro dosi dakgipa mandeko police dol rim·e sandirokaniko dakuenga ine kobor manaha.
