Shillong, June 24: Adita salrangna skang Education Department aro Mother’s Union-ni ku·monggrike seokgimin sorkarini skulrangko chalaina bilsi 5-ni Memorandum of Understanding-ko (MoU) soi ka·aha. Ia ku·monggrikani a·selo skigiparang, mongsongbate West Garo Hills-ni skigiparang uamangni dormahara-rang aro kam ka·anirang neng·nikanirangko man·aba donga ine jajrenganirangko knae, Education Minister Rakkam A Sangma ia MoU-ara sorkarini skulrangko dakchakna ku·mongrimanisa ong·a aro departmentni kamrang aro skigiparangni man·gnirangko ra·e katjawa ine talate on·aha.
Ia ku·monggrikani gisepo, skulrangko chalaiani kamrangko aro tangkarangko sorkari NGO, chong·motan Mothers’ Union-ni jako on·gen aro uan skulni daka-rikani, chalaiani, skie on·ani aro skigiparangni kam ka·anirangko nirokatgen. Indake ong·genchimba, NGO-kamara skulko chalaianisan ong·aigen aro skigiparangni dormaharang aro kam ka·anirang aro kam-o rakkianirangkode jako ra·jawa ine Sangma talate on·angaha.
“Dormahakode pangna on·ronga gita sorkario-oni on·aigen, iano mamung dingtangani dongjawa. NGO-ni kamde School Management Committee-ni (SMC) kam gita apsanaigen,” ine ua aganaha. Una agreba, bang·a sorkarini skulrang, mongsongbate songadamrango, skulrangko name chalaiani dongja aro chatro-chatrirang komia baksana skigiparangba chel·aonisa re·batokani gimin skulko nirokatani dongja aro iani a·selsa iandakgipa gital bewalrangko ja·rike namdapatna jotton ka·enga ineba ua aganaha.
Mothers’ Union-o mongsongbate kam-oni neng·takgimin skigiparang aro officerrang donga aro uamang adita skulrangko namdapatna, nitoatna, chatro-chatrirangko bang·bate skulona re·baatna aro songni-nokni manderang baksa kam ka·rimna jako ra·enga ineba ua aganangkuaha. Ian a·doko skia-poraianiko namdapatna aro national performance rankingrango tang·doatna ine a·dok sorkarini kam ka·ani ong·a.
Sorkarini nangnika gita NGO kamrangko ka·jagenchimode, je somoioba ia ku·mongrimaniko dontongatna man·a ine MoU-ko janapaha. Una agreba, parake kam ka·ani, reportrangko tariani, aro kam-oni senggnang dontongani aro uandakgiparangni giminba iano janapaha.
Na·simang ia video-koba nina man·gen:
Na·simang iakoba poraina man·gen: Lachen-o a·a ruanio Army-rangni technology-ko jakkale naljokatanian gisik ra·kamgni ong·aha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
