Guwahati, June 24: Sikkim a·dokni Lachen a·jao dal·begipa a·a ruanio Indian Army-rangni technology-ko jakkale naljokatanian gisik ra·kamgnigipa ong·aha aro unbaksana technology-ko jakkale a·a ruanio gimaenggipa manderangko sandina amgipa ong·a ine parakaniba ong·a.
Batanggimin 2025 bilsini June 1 tariko Gangtok-oni adita chel·ao donggipa Lachen-o dal·begipa a·a ruaniko chagrongaha. Ia a·a ruanio sakgittam sipairangni janggi gimaatako man·aha aro gipin sak dok manderangni manggisi gimaaha. Indake ia kenbegnigipa somoio SDRF dolrang, sniffer achakrang gimagipa manderangko a·a cho·e sandiahaoba uamangko nikna man·jaha.
Indake ia gimaenggipa manderangko sandina inenba BonV Aero-ni design ka·gipa Ground Penetrating Radar (GPR) minggipa drone-ko jakkalaha. Ia drone jeng jabolni ning·o gimae dongenggipa manggisiko badia biapo dongengachim uko sandie u·iaha aro ua biaponiko naljokatgipa dolrang a·arangko cho·ahaon mandeni be·enni bakrangko nikna man·aha.
Ia chu·sokaniara Technology mang·mangni a·sel ong·ja indiba tik somoio miksonganirango ka·donge dakani giminsa ong·a ine aganan baksa, Indian Army-rangni ia drone-ko jakkale konta 24 mangni gisepo am·sandie man·aniara, iandake a·songtango tarigipa technology-ko jakalanichiba nangani somoio dingtanganiko ra·bana man·a ine BonV Aero-ni CEO Satyabarata Satapathy aganaha.
Company-ni CTO Abinash Sahoo-ba, ia ga·nanggijagipa biap aro dapa man·giparangko am·sandianio camera aro skia man·gipa achakrangni chu·sokna man·gijagipa kamrangkoba uamangni drone-ni a·sel chu·sokna dakchakaha ine aganaha.
Na·simang ia video-koba nina man·gen:
Na·simang iakoba poraina man·gen: India-o lekka pora skia man·anio Tripura a·dok 3-gipa gadango ga·aka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
