Williamnagar, Oct 29: East Garo Hills-ni Danal Songgitcham songo maikai gue bisokni soe nosto ong·aniko champengna man·genchim uni bidingo skie on·aniko dakna field program-ko sombar salo ong·atangaha. Ia program-koara Kasaragod-ni ICAR-Central Plantation Crops Research Institute (CPCRI), Meghalaya-ni Horticulture Department aro East Garo Hills-ni Krishi Vigyan Kendra (KVK) baksa apsan nangrime ong·atangaha.
Dr. V. Hegde aro uni scientist dolrang nangchakea man·gipa biaprangko name nianiko dakangaha. Dr. T. P. Pandian, gue pangko dal·roroatgijagipa sabisi aro gue bisokni soe nosto ong·ani sabisiko dingtanggrikatani bidingo agan-talate on·angengon, Dr. Bhavishya, gue bisok soaniko champengna maidake ong·telaigipa cholrang aro carbon fibre pole-rangko jakkalachim uarangni bidingo gue bagan dake cha·giparangna skie on·angskaaha.
District Horticulture Officer A. V. D. Shira, gue bagan dake cha·giparangko uamangni baganrangko name nirokjringaniko dakan baksana scientific method ba cholrangko jakkalchinaba ku·pattianiko on·ataha. KVK-ni Dr. T. T. A. Sangma, bagan dake cha·giparangko an·tangtangni bagan barirangko rongtale rakkian baksana bite nanggiparangna simsak nirokaniko on·china aro an·tangtangni game ge·e man·gimin biterangko naljoke rakkina me·gimu ba uni rokomrangna samrangko name jakkalchinaba gisik ra·ataniko dakataha.
Danal Songgitcham aro uni sepangjolo donggipa sak 30 mangni gita gue bagan dake cha·giparang ia program-o dongpae bang·a chanchirimanio bak ra·angpaaha.
Na·simang iakoba nina man·gen:
Na·simang iakoba poraina man·gen: Pynursla Block-ni Integrated Development Complex-ko CM nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
