Tura, Aug 9: East Garo Hills a•jani Chiading Police Station-ni ning•o ga•akgipa Mandalgipe songni Sontush N. Sangma, jean Peballina M. Sangma-ni segipa ong•achim, uko apsan Police Station-ni ning•o ga•akgipa Chiading Dilma Ampanggre songoni Tengsrang A. Sangma, ka•saninggija dake doke siataha. Ia a•sel, re•anggipa August-ni 4 tarik Sukrobar attamni 9:30 pm bajimango ong•aha.

Ka•saninggija dake dokpretako man•e sianggipa Sontush N. Sangma sagiko dos dakgipa mandeni biljimbee doka-satani ja•mano attam walon joljol sana-bananiko dakna ine uni jikgipa aro maharirang, Williamnagar Civil Hospital-ona ra•angahachim, indiba uko nambata sana-bananiko on•china ine walon Tura-ni Holy Cross Hospital-ona watatskaaha.

Uandake, uko Tura Holy Cross Hospital-o sanengmitingon uni be•eno biljimbee jokom ong•ani a•selo ua salgipin, chong•motan August-ni 5 tarik attamni wal 11:00 bajimango janggi galaha.

Indake ong•engon, sianggipa mandeni jikgipa Peballina M. Sangma, uni segipako dokani salgipino joljol pring 10:30 bajimango dos dakgipa Tengsrang A. Sangma-ni kosako Chiading Police Station-o badi ka•doangskaaha. Uni badi ka•ani ja•mano dos dakgipa mandeko Chiading PS-ni police-rang rim•enba uni kosako IPC section 447/325/304-o pangchake mokordomako segatenba uko pattokona watataha.

Ka•saninggija doka-satako man•e sianggipa mandeara, Chiading songni wilwilao donggipa Nengminja mahariko nirok-simsakanio dilgipa ong•an baksaba, ma•drang maharini kamo saksa jakkaltobegipa ong•achim aro uarangsan ong•aigija uan Katholik Mondolina dangdike on•gipa mandeba ong•achim ine u•iataha.

Iakoba poraie nina man·gen: Mukroh-o a•sel ong•anide Assam aro M’laya-ni agangrikanio maming nangeani dongja: HBDRF

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub