Williamnagar, Oct 18: East Garo Hills a•jani Williamnagar District Auditorium-o salgnina ong•atanggipa District Level Youth Exchange Program, Sukrobar salo nambee matchotangaha.
Ia program-ni gnigipa salo, noksa salsusaani, segimin poedorangko jinmana poraiatani, Science & Technology-o pangchake bosturangko tarie mesokani aro talate on•ani baksana dingtang dingtang susaanirangkoba ong•atangaha.
Ia program-ko ong•atanio, quiz competition ba sing•anirangna aganchaksusaaniko, Rongrenggre Govt HS School-ni principal Sengsrang G Momin dakdilaha aro career guidance program-o East Garo Hills a•jani DSP Anthony Ch Momin, chatro chatrirangna agan-ku•pattianirangko on•angskaaha.
Ia District Level Youth Exchange program-ni Solo Folk Song Competition-o skanggipa boksisko Sacred Heart HS School-ni Janggrik N Sangma, gnigipakoba apsan skulnin Tibinath M Sangma man•aha aro gittamgipa boksisko Williamnagar Govt HS School-ni Jestfield D Sangma man•angskaaha.
Group Folk Song competition-o skanggipa boksisko Rongrenggre Govt HS School, gnigipako Sacred Heart HS School aro gittamgipako Loyola College man•angaha.
Folk Dance Solo Competition-o skanggipa boksisko Williamnagar Loyola College-ni Nikme N. Marak man•aha, gnigipako Rongrenggre Govt. Higher Secondary School-ni Beckam B. Sangma aro gittamgipako Loyola College-ni Dambesa M. Sangma man•angskaaha. Group Folk Dance competition-o skanggipa boksisko Williamnagar-ni Greenyard Higher Secondary School, gnigipako Loyola College aro gittamgipako Williamnagar Govt. Higher Secondary School man•angaha.
Uasan ong•aigija, ia District Level Youth Exchange Program-o Poetry Writing, Story Writing, Declamation, Painting, Quiz Competition, Innovation in Science and Technology aro dingtang dingtang susaanirango bak ra•e chegipa gimiknan boksisrangko on•angaha.
Ia District Level Youth Exchange program-ni susaanirango chegipa chatro chatrirang, November jao Shillong-ona re•ange State Level Youth Exchange Program-o bak ra•ena gita cholko man•gen.
Na·simang ia video-koba nina man·gen:
Na·simang iakoba poraina man·gen: EJH-o cement karkana kulina public hearing-ko ong•atanio dolgni nanggrika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
