Shillong, Dec 21: Adita salrangna skang, East Jaintia Hills a·jani Shymplong songo donggipa Dhar Construction Company-ni bagano, Improvised Explosive Device (IED) boma gopretanina police-rang, mande sakgniko rim·aha.
Superintendent of Police (SP)-ni u·iatani gitade, re·anggipa December 15 tarik pringwalni 12:15 bajimango, IED boma gopretaha aro ia boma gopretanio, chi salgipa truck gari bolsa nosto ka·ako man·aha indiba ia a·sel ong·anio darangba saknaaniko ba janggiko gimaatna nangjaha.
Ia biapo IED boma gopretani ja·man Lumshnong Police Station-o FIR ka·a aro police-rang, Shymplong songni bilsi 31 ong·gipa Richard Suchen aro bilsi 45 ong·gipa Pynshaitbor Syih-ko rim·aha ine SP parakataha.
Ia IED bomako Shymplong songni Smiki Tongper, rim·a man·gipa mande sakgni aro Hynniewtrep National Liberation Council (HNLC) bobil dolni sakgipin membor baksa tarie gopretaha ineba SP aganaha.
SP-ni u·iatani gitade, Tongper-ni nok aro baganrangoniko police-rang am·sandion, boma gopretanio jakkalgipa adita bosturang, a·songo tarigipa rifle aro agangrikani bosturangko man·aha.
Iani bidingo police-rang, Bharatiya Nyaya Sanhita aro Explosive Substances Act-ni ning·o mokordomako segatenba, ning·tubate am·sandianirangko dakengkua.
Na·simang iakoba nina man·gen:
Na·simang iakoba poraina man·gen: Dilgipa dongjani a·sel neng·nikaniko man·engon, NEHU Tura-ni chatro chatrirang Pro Vice-Chancellor-na chakpaaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
