Shillong, Apr 9: East Jaintia Hills a•jani Wapungskur songni wilwilao Coke factory ba koela so•ani karkanako kulina miksonganiko songni manderang jinma jegalgrimani ja•man, ia songni wilwilao koela so•ani karkanako kulina on•gimin No Objection Certificate (NOC)-ko den•galpilna Elaka Jowai-ni Dolloi aro Jaintia Hills Autonomous District Council (JHADC) tik ka•angaha.
Budbar salo Wapungskur songni dilgipa Postling Dkhar-ni dilanichi songni manderang, Elaka Jowai-ni Dolloi Puramon Kynjing-ko grongenba, ia biapo koela so•ani karkanako kulina NOC-ko on•ahani gimin jegalgrimtokaha aro NOC-ko den•galpilchina dabiangtokaha.
Tom•a matchotani ja•man kobor ra•timgiparangna talataniko on•angengon, ia karkanana on•gipa NOC-ko den•galpilchina Mookhep songni dilgipaba Dolloi-na chitti sedoataha aro NOC-ko den•galpilahaon Dolloi an•tangan, pilak nangchakegipa department-rangna u•iataniko on•na ku•rachakaniko on•ataha ine Wapungskur songni dilgipa Dkhar parakataha.
Adita salrangna skangsan songni dilgiparang, iani bidingo East Jaintia Hills a•jani Deputy Commissioner-koba gronge agangrikeaha aro ia tom•anio Deputy Commissioner, kamrangko dontongchina gita ge•etaniko on•e MPSCB-na chittiko sedoataha ine ku•rachakaniko on•ataha.
Iani bidingo songni dilgiparang, JHADC-ni Chief Forest Officer-koba grongaha aro ia tom•anio Forest officer, ia karkanana on•gipa NOC-ko salsa salgnini gisepon den•galpilgnok ine songni dilgiparangna ku•rachakaniko on•ataha.
Na·simang ia video-koba nina man·gen:
Na·simang iakoba poraina man·gen: Bike gari cha·ugipa sak 6 ko Assamo rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
