Shillong, Apr 12: Re•baenggipa April-ni 19 tariko ong•atenggipa Lok Sabha election-na dingtang dingtang political dolrangni campaign ka•anirango so•sojengjeng ong•anirang dongjana gita election-na campaign ka•anirangko mikrakbate nirokchina Meghalaya a•dokni Deputy Chief Minister aro Home (Police) Minister Prestone Tynsong, a•dokni Director General of Police (DGP)-na ge•etaniko on•ataha.
Election-na campaign ka•anirango dolsa dolgipin baksa nanggrikanirangchi so•sojengjeng ong•anirang dongjana gita nambate nirok sandianirangko dakchina a•dokni DGP baksana dingtang dingtang a•jani SP aro DC-rangnaba ge•etaniko on•ataha ine Tynsong, kobor ra•timgiparangna aganaha.
Lok Sabha election-na dingtang dingtang dolrangni campaign ka•anio badiaba political dolrangni golmal ka•na jotton ka•aniara kragijani ong•engani gimin campaign ka•anirangko nambate nirok sanchina ge•etaniko on•ataha ineba Deputy CM aganaha.
Ia Lok Sabha election-ko maming so•sojengjeng ong•ani gri tom•tome matchotatna ka•dongenga ineba Tynsong parakataha.
Na·simang ia video-koba nina man·gen:
Na·simang iakoba poraina man·gen: Kam man•gen ine tolako man•gipa Meghalaya-ni sak 16 chadamberang nokona re•bapila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
