Tura, April 12: Tole kam on•gen ine ku•rachakanirangko man•gipa Meghalaya-ni sak 16 A•chik chadamberang jean Mumbai-ona re•angahachim, uamangko naljokatna man•aha aro uamang noktangtangona re•bapiltokengaha ine Education Minister Rakkam A Sangma u•iatangan baksana, social media-o uamangni name sokbaanirangko niksoenba, ia naljokatani kamrangko ka•anio chu•sokatna apsan bakrime dakchakaniko on•ahanina Mumbai aro Meghalaya-ni official-rangko ua de•mittele aganangaha.
Ia A•chik chadamberangara, Pijush R Marak-ni, company-rango dingtang dingtang gadangni kamko on•gen aro indaka kamrangna nangko rakkigen ine uni tol•ako u•ijae reangenba cha•bokako man•tokaha. Uni kosako ia jani a•bachengon tolpinikani bidingo FIR-ko segatahachim.
Kam on•nako man•on, iara kakket ma tola name u•ichenge ra•na nangchongmotani gimin aganenba, tolpinikgipa kam on•anirango ga•akjachina, simchakchina aro ia nakatgipa kamra kakket ong•ama ong•ja uko nirok sandianiko dakchengna chinaba, Education Minister didianiko dakangaha. Uasan ong•aigija, ia chadamberangko nokona sokbapilatna kam ka•anio dakchakanirangko on•ahanina skotong minister Conrad K Sangma-koba ua mitellataha.
Na·simang ia video-koba nina man·gen:
Na·simang iakoba poraina man·gen: Kangal cholgri me•chikrangna bilsiprako lakprakko on•na Cong ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
