Shillong, Dec 19: Sombar salo, Shillong-ni Press Information Bureau (PIB)-ni gita media-ni manderangna election-ni bidingo workshop-ko Hotel Heiga-o ong•atangaha aro ia workshop-ko ong•atanio NE Zone-ni DG B Narayanan, mongsonggipa sokgipa ong•e bakko ra•angaha.
Ia workshop-ko ong•atanio media-ni manderangna agan-talate on•anggipa gipin manderangara, Meghalaya a•dokni Chief Electoral Officer (CEO) FR Kharkongor, DIPR-ni director Malthus Sangma, senior journalist Anirban Roy aro Economic Times-ni V Singh ong•a.
Ia workshop-ko ong•atanio mongsonggipa ong•e sokgipa B Narayanan, media-ni manderangna aganprakengon, koborrangko sena ba on•na skang pangnan name nipiltaichina kobor ra•timgipa aro setimgiparangko didiangaha.
Ia workshop-o a•dokni CEO FR Kharkongor-ba media-ni manderangna aganprakengon, a•dokni mande sakantian an•tangtangna on•gimin bilko jakkale dilgipako seokanio bakko ra•na gita songbadrango aro news channel-rango manderangko didiskachina gita media-ni manderangko ku•pattiangaha.
