Shillong, June 9: External Affairs aro Education Ministry-ni Union Minister of State (MoS) Rajkumar Rajan Singh, Bristibar salo Meghalaya a•dokni East Jaintia Hills a•jaona sokbaaha. Ua salgnina a•dokona re•baaha aro unbaksana MoS-ni OSD DK Singh aro gipin official-rangba dongpaaha.
Uni East Jaintia Hills a•jaona re•angani somoio Rajkumar Rajan Singh, Dkhiah West-o donggipa Health & Wellness Centre-ko nieaha aro uano ua dingtang dingtang sabisirangko sanenggipa kamrangni gimin official-rang baksa agangrikangaha.
Ma•mong sorkarini ra•gatgipa dingtang dingtang scheme-rang, jekai PM- Kissan, Pradhan Mantri Awas Yojana (PMAY), Jal Jeevan Mission (JJM), Pradhan Mantri Ujjwala Yojana(PMUY) aro uandakgipa scheme-rangni giminba ua namgniko man•enggipa manderang baksa agangrikjolangaha.
Uni ja•mano Union Minister, Byndihati songo donggipa Fair Price Shop, Tuber songni Anganwadi centre aro West Jaintia Hills a•jani Shangpung songo donggipa Mission Lakadong-ni Turmeric Processing Unit-koba niangaha.
