Shillong, March 31: April jani 17 aro 18 tarikrango G20 a•songrangni tom•bimonganiko Shillong songjinmao ong•atna siengani gimin dam 20 a•songni delegate-rangko rimchaksona gita Ri Bhoi a•jani me•chikrangba jinma rongtal an•talanirangko daksotokaha.
Ri Bhoi a•jani Quinine aro Umsaw songrango donggipa me•chikrang, rama dilmarangko nitoatna gita Jorabat-oni Umiam-ona dakanggipa National Highway ramarangko rongtalatangan baksana divider ba rama bakgiparangkoba rongrangchi nongdaptokaha.
Iani bidingo songni nokni me•chikrang, NHAI baksa hajirana songgigrikenba, kamrangko March 30 tarikoni April 1 tarikona ka•tokenga ine kobor on•timgiparang parakataha.
Meghalaya a•dokni Governor BD Mishra-ni u•iatani gitade, G20 a•songrangni tom•bimonganiko India a•songo sokachakenggipa songjinmarangoni Shillong-ba damsa ong•engachim.
Iako ua ia bilsini Republic Day-ko Shillong-o manianio jinmana parakatahachim.
Iakoba poraie nina man·gen: MGNREGS-ni chu•gimik kamko man•ja ine songni manderang BDO-ko matnanga
