Shillong, Sep 16: Adita sal somoirangni gisepo ong•atna sienggipa Gambegre Assembly constituency-ni by-election-o National People’s Party (NPP) aro Trinamool Congress (TMC) dolrangni gisepo susagrikani ong•batgen ine Sombar salo, NPP-ni MLA aro a•dokni Cabinet Minister Rakkam A Sangma parakataha.
Iani bidingo kobor ra•timgipa manderang baksa agangrikengon, Gambegre constituency-ona uni re•ange campaign ka•anio manderangni NPP-na chakpaanirangko nikengani gimin ia by-election-o NPP-an chegipa ong•telgen ine Sangma, an•tangni ka•dongchakenganiko parakataha.
Election-de election-an ong•aia aro result-rangko parakkujaskalde darangba agansona gita man•ja ine janapatengon, da•o dipet Gambegre by-election-o NPP aro TMC dolrangni giseposa susagrikbatenga maina politician-rangde mai ong•enga uko pangnan ma•siaia ine Sangma aganaha.
Gambegre constituency-o Congress dolni dilgipa Saleng Sangma-sa changgittamna kingking MLA ong•ahachim ine ia by-election-o Congress dolni susaenggipani bidingo sing•on, adita salrangna skangsan Congress dolni MLA sakgittam NPP-o napahani gimin Congress dolde da•o bilgriaha aro Gambegre by-election-o bilakjawaha ine Sangma aganaha.
Congress dolnade mikkangchina ka•dongani dongjaha indiba NPP-de bilakbatroroskaengani gimin Gambegre by-election-ko NPP-an cheani cholrang nambatenga ineba ua aganaha.
Na·simang ia video-koba nina man·gen:
Na·simang iakoba poraina man·gen: Manipur a•dokni a•kawe jolrango internet jakkalaniko dondikataniko ra•galpila, school-rangko kulitaina didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
