Tura, June 25: Ganol chibimao skatang jabolrangko galani a·sel Ganol dam-o jabolrang sikkonge nitogijaniko ong·atahani gimin West Garo Hills a·jani Deputy Commissioner Jagdish Chelani-ni dilanichi Ganol chibimako Sonibar pringonin rongtalatna a·bachengataha.

Ganol chibimako rongtalatanio, Tura Municipal Board (TMB), SDRF, block office, Ganol project aro dingtang dingtang dolrangoni gimik sak 65-mangni gita manderang bakko ra·angaha.

Ganol chibimao sikkonge dongenggipa jabolrangko rongtalatani bidingo talataniko on·angengon, ia jabolrangko rongtalatna gita konta 72 somoiko donenga aro chimonggimin jabolrangko ja·mano jabol galchakgipa biaprangona ra·ange galegen ine West Garo Hills a·jani Deputy Commissioner parakataha.

Rongram Bazar samba jolo donggipa Ganol chibimao skatang jabolrangko galahani gimin West Garo Hills a·jani district administration, Rongram Bazar Committee-oniko gong lak 1 daiko ra·aha ineba Deputy Commissioner parakataha.

Rongtalaniko salgittam ba salbrini gisepo matchotnaba gnang ine talataniko on·angengon, mikkangchi Ganol chibimao skatang jabolrangko galjachina gita manderangna mikrakatanirangko on·anggen ine Chelani parakataha.

Iakoba poraie nina man·gen: Sorkari baksa tom·tomanina songgigrikaniko dakangna HNLC, uamangni kosako segatgimin mamlarangko ra·pilchina sorkario dabia

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub