Tura, June 25: June-ni 26 tarik Sombar salo, pekatgipa samrangko jakkalani aro niam gri badingani bidingo manderangna mikrakatanirangko on·angan baksana tom·tomgipa songsalko ong·atna gita West Garo Hills a·jao, pring 8:00 bajioni attam 4:00 bajiona ‘No Honking Day’-ko manianggen ine West Garo Hills a·jani Deputy Commissioner Jagdish Chelani parakatenba, ia somoirango manderangko skatang garini horn-rangko on·jachina didiataha.
Pekatgipa samrangko jakkalani aro niam gri badingani namgijaniko talate on·na gita a·gilsak gimikon International Day Against Drug Abuse & Illicit Trafficking-ko manienga ine talataniko on·angengon, West Garo Hills a·jao ‘No Honking Day’-ko manianichi tom·tomgipa songsalko ong·atchina manderangko didienga ine Deputy Commissioner parakataha.
Ia salna dongimin niamrangko talatangengon, pring 8:00 bajioni attam 4:00 bajiona West Garo Hills a·jani pilak biaprangon skatang horn-rangko on·jawa aro nangchongmotani somoirang, jekai maiba kenjagokna nangani ba a·sel ong·anirangko champengna nangani somoirangosan horn-rangko jakkalna man·aigen ine Deputy Commissioner parakataha.
Ia niamko name nirokchina gita Traffic police department-na ge·etaniko on·angengon, ambulance, fire brigade aro niam retirangko nirokenggipa dolrangnade iano champengani dongjawa ine Deputy Commissioner parakataha.
Iakoba poraie nina man·gen: Pekatgipa samko jakkalaniko a·doko bon·atsrangna kamko ka·na KSU parakata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
