Tura, Sep 23: Gare Songmong aro samba jolrango donggipa songrangna on•gipa Jal Jeevan Mission (JJM) project-ni tangka paisarangko jakkalsreta aro kamrangko name ka•ja ine songni mande saksa, kamko ka•gipa contractor, Williamnagar PHE-ni official-rang aro third party inspector-ni kosako FIR ka•doangaha.
Ia FIR-ko Gare Songmong songni Tengba Marak minggipa mande saksa, Mongolbar salo, Nongalbibra police station-o ka•aha.
FIR-o Marak-ni janapatani gitade, Gare Songmong aro samba jolrang donggipa songrangna ringani chiko on•na ia JJM project-ko sorkari on•ahachim indiba kamko ka•gipa contractor, PHE department-ni official-rang aro third party inspector baksa melie, ia project-ni tangka paisarangko jakkalsretaha aro ia songna JJM-ni kamrangko name chu•sokate on•jaha.
Ia JJM project-na jakkalgipa pipe-rangba dam komianikosa jakkalaha aro tengkirangkoba name rikjahani a•sel da•o galchipesa donna nangaiengaha ineba Marak, FIR-o janapataha.
Ia project-ni tangka paisarangko oke ra•na gita contractor, PHE official-rang baksa manderangni soirangko ra•aha ineba ua FIR-o matnangataha.
Na·simang iakoba nina man·gen:
Na·simang iakoba poraina man·gen: Tourist Taxi policy-ko ra·gatna skang gipin a·dokni model-rangko M’laya nichenggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
