Tura, April 28: Hisap rakkiani bewalrangko namdapatna aro a•dokni cooperative society-rangni gisepo audit ka•ani kamrangko altubatatna gita re•anggipa April 24 tarikoni a•bachenge April 29 tarikona MBMA-ni gita Garo Hills-ni cooperative official-rangna dingtangmancha training program-ko ong•atangaha.
Ia training program-ko ong•atani bidingo talataniko on•angengon, Meghalaya-ni project-rangko jako ra•enggipa Cooperation department-ni official-rangna aro MBMA-MBDA dolni membor-rangna, account management-ni bidingo skie on•na gita ia program-ko ong•ataha ine West Garo Hills a•jao MBMA-MBDA-ni District Project Manager ong•enggipa V Valentine Hembron parakataha.
Ia salbongana ong•atgipa training program-o Garo Hills gimikni cooperative officer-rang bakko ra•angaha aro uamangna West Garo Hills-ni gitcham ARCS aro MBMA (Rural Finance)-ni Consultant KP Chowdhury, agan-skie on•angaha.
Iakoba poraie nina man·gen: A·songni PM, 100 watt FM Radio transmitter-ko Williamnagar-o a·bachengate on·anga
