Williamnagar, April 28: East Garo Hills joloni chongchona bading-chiwale cha·giparangna aro dokgipa-damgiparangna namgniko ra·bana gita jolni manderangni tarigipa rokom-rikkit bosturangko tang·doatna gita PRIME Meghalaya, Sukrobar salo East Garo Hills a·jani skotong Williamnagar-o ‘Mini Bazar’-ko ong·atangaha.
Ia mini bazar-o joltangoni dingtang dingtang bading-chiwalgiparang, uamangni tarigimin cha·ani-ringani bosturangko, sol·e-repe tarigimin bosturangko, salgimin noksarang aro minggipinrangko manderangna mesokenba pala-sim·anirangko dakangaha.
Ia salsana ong·atgipa Mini Bazaar-ara, joltangoni bosturangko manderangna advertise ka·na gita aro jakmatangchi tarigimin dingtang dingtang bosturangko jaantio palna-sim·na namgipa cholrangko on·e joltangoni chonchona bading-chiwale cha·giparang baksana joltango rokom-rikkit bosturangko tarie dake-ka·e cha·enggiparangko aro dokgipa-damgiparangko tang·doatna gita a·dok sorkarini kamrangko ka·chakatenggipani bak ong·enga.
Iakoba poraie nina man·gen: Covid sajinmako man·e, West Garo Hills-o saksa sianga
