Tura, Aug 29: Sukrobar salo, Meghalaya a•dokni Chief Minister Conrad K Sangma, Garo Hills-ni Nokmarang aro Garo Students Union (GSU)-ni president Tengsak Momin baksa Tura-ni DRDA Conference Hall-o tom•enba, dingtang dingtang nanganirangni gimin chanchirimangaha.
Ia tom•anio Garo Hills Autonomous District Council (GHADC)-ni nangchongmotgipa kamrangni gimin aro gipin kamrangni bidingo chanchirimna re•baahani gimin a•dokni Chief Minister, dingtang dingtang songni Nokmarangko aro dingtang dingtang dolrangkoba mittelpilangaha.`
GHADC-o tangka paisani gita neng•nikanirangko chagrongna nangengani gimin talataniko on•angengon, GHADC-o kam ka•giparangna dormaharangko on•anio komibeoba crore 70-mangko nanga indiba re•anggipa bilsio kajina gile man•aniara crore 25-mangsan ong•aiani gimin bang•en tangka paisarang chu•ongjaenga ine nikesa GHADC-o tangka paisani gita obostako namatpilna a•dok sorkari, dakchakaniko on•na miksongaha ine Chief Minister aganaha.
GHADC-ko chalaianio aro kamrangode maming dakeba a•dok sorkari bil man•jawa ineba Sangma agantaiaha.
GHADC-o kam ka•enggiparangna re•baenggipa November 1 tarik dipet dormaharangko on•na tik ka•aniara, GHADC-ni kamrango jak on•na ba sorkarini ning•o ong•atna miksongani ong•ja indiba district council-o tangka paisa jakkalaniko namdapatna aro dingtanganiko ra•bana ja•ku de•anisa ong•enga ineba Chief Minister talataniko on•angaha.
Na·simang iakoba nina man·gen:
Na·simang iakoba poraina man·gen: Shillong-ni EFLU salgnina national conference-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
