Tura, Sep 4: Budbar salo, All Garo Hills Multi Purpose Cooperative Society (AGHMPCS), Durama MPCS baksa dingtangmancha program-ko West Garo Hills a•jani Oragitok songo ong•atangenba, coffee game cha•giparangna, coffee pale man•ani laprangko suale on•angaha. Ia program-ko ong•atanio, MBMA aro Tura Coffee Board-ba dakchake on•aha.
Ia program-ko ong•atanio, West Garo Hills a•jani Deputy Commissioner Jagdish Chelani, mongsonggipa sokgipa ong•e bakko ra•angenba, coffee game cha•enggiparangna lak 1-na baten tangkarangko suale on•angaha.
Ia tom•anio Deputy Commissioner Jagdish Chelani, tom•anio bak ra•giparangna aganprakengon, ia jolrangoniko metric ton 12-na baten coffee-rangko breanganiara ia jolrango kraa gitan coffee ge•ani aro man•aniko mesokani ong•enga ine coffee game cha•giparangko mittelpilangenba, uamangna an•tangni man•a gita dakchakanirangko on•na ku•rachakanikoba on•angjolaha.
Iana skang, ia program-ko ong•atani bidingo AGHMPCS-ni Secretary Fr Sunny Joseph Mavelil, jinmana talate on•angengon, a•dok sorkarini tangka paisarangko dakchake on•anichi AGHMPCS-ba cooperative society gita chalaina man•enga aro ia jolrango songdongenggipa manderangni janggi tangani gadangko namdapatna man•enga ine parakataha.
Durama MPCS-ko 2022 bilsio kuliaha ine parakatengon, uamang ia jolrango ge•gipa kg 1200 coffee-rangko bree Shillong-o paleahachim indiba coffee-rang namgipa ong•jani a•sel inditana laprangko man•jaha ine Fr Mavelil aganaha.
Iana skangde, ia jolrango coffee ge•e cha•giparang, kg-prako gong 15-20-mangnasan palaiachim ine janapatskaengon, ia jolrango ge•gipa coffee-rangko palani ja•man da•o ia jolrango coffee game cha•giparangna laprangko suale on•na man•engaha ine Fr Sunny Mavelil parakataha.
Na·simang ia video-koba nina man·gen:
Na·simang iakoba poraina man·gen: Nagaland-ni Pherima-o mikkarang jimbee waani a•sel a•arang ruanichi sak 3 manderang sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
