Shillong, Mar 19: Garo Hills-o so•sojengjeng ong•anirang komiange da•o manderang tom•tome janggi tangna man•piltaiengaha indiba ding•chaopiltaianirang dongjana gita sorkari, obostarangko name nitimenga ine Bristibar salo, Meghalaya a•dokni Chief Minister Conrad K Sangma parakataha.
Bristibar salo, Meghalaya a•dokni Governor CH Vijayashankar-ko grongeani ja•man kobor ra•timgipa manderangna talataniko on•angengon, Garo Hills-o so•sojengjeng ong•anirang komiangaha aro basakobarangsan badiaba biaprango obosta ong•anirangko nikna man•enga ine Sangma aganaha.
Chief Minister-ni parakatani gitade, Garo Hills-o tom•tomaniko man•piltaiengaha aro manderang janggi tangronga gitan da•o janggi tangna man•pilengaha.
Obostarangko niani ja•man internet-koba watpiltaiaha indiba so•sojengjeng ong•piltaijana gita sorkari, mikrake kamko ka•enga ineba ua aganaha.
A•dokni Governor-ko grongani bidingo talataniko on•angengon, Garo Hills Autonomous District Council (GHADC) election-o Tribal ong•gijagipa manderangni bak ra•paaniko jegalanio so•sojengjeng ong•na nangahani gimin ua a•dokni Governor-na talate on•aha ine Chief Minister parakataha.
Batanggimin antignina Garo Hills-o ong•engmitingo ua a•dokni Governor baksa ku•siliting gitasa agangrikna man•aiahani gimin Governor-ko gronge, Garo Hills-o ong•anggipa obostani bidingo talate on•na nangnikaha ineba Sangma aganaha.
Governor-ko grongeanio unbaksa a•dokni Deputy Chief Minister Prestone Tynsong-ba dongpaaha.
So•sojengjeng ong•anina dingtang dingtang manderangko rim•enggipani bidingo talataniko on•angskaengon, iade police-rangni daitosa ong•a aro police-rang, sakkirang baksana niamrango pangchakesa rim•na nanggiparangko rim•aha ine Chief Minister aganaha.
Badita sak manderangko rim•aha aro sako sako rim•aha iani giminba ua an•tangde ma•sija maina iade police-rangni kamsa ong•ani gimin SP-sa talataniko on•na man•gen ineba Chief Minister aganaha.
Na·simang iakoba nina man·gen:
Na·simang iakoba poraina man·gen: Congress-Raijor Dal-ni gisepo seat sualgrikna chanchirimani chu•sokja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
