Shillong, Nov 19: South Tura-ni gitcham MLA John Leslee K Sangma, Garo Hills Autonomous District Council (GHADC) Electionko mikkang bilsi ong·atnskang, Congress dolona Budbar salo nappilaha.
Congress dolni padot Vincent H Pala uko rimchaksoengon, uni Congress dolo nappilanian BJP baksa bakrimenggipa NPP dolna mikrakatani ong·a maina, uni re·bapilanichi a·jao democratic politics-ko tangchaatpilgen aro Congress dolna chakpaaniko on·aniara maming gualani dongja ine aganaha.
Garo Hills a·jana mikkangchake dangdike on·gipa John Leslee Sangma, United Democratic Party (UDP) dol baksa bakrimaha aro songsalko dilenggipa adita ja·del bolchagimin manderang, chakpaaniko on·giparang aro songsalo ku·rang on·giparang baksa agan golpogrikani ja·man ua Congress dolona re·bapilaha.
MPCC dilgipa baksa agangrikengon, Garo Hills a·jani ong·siangenganina kenchakaniko janapatan baksa bang·a chadamberang kamgri ong·enga, ka·dongani gri ong·enga aro cholrangko nikgija janggi tangtokenga aro ian sorkarini jaksapgijaniko mesokenga ine Sangma aganaha.
Indake, Congress dol mang·mangsan ka·dongna man·gipa, manderangni ka·donganiko bariatna amgipa aro Meghalaya a·dokni silroro namroroanina tang·doanina kam ka·gipa ong·a ine aganan baksa South Tura aro Garo Hills a·ja gimikon uni bilko mangrakbatatna kam ka·taina jotton ka·gen ineba ua agandapaha.
Na·simang iakoba nina man·gen:
Na·simang iakoba poraina man·gen: Manipur a·doko konta 24-na bandh ong·atanichi salanti dakgni kamrango nangchakeako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
