Shillong, Sep 29: Garo Hills Autonomous District Council (GHADC)-o kam ka·enggiparangna dormaharangko on·na man·jaengani gimin nambate chalaichina Meghalaya a·dokni Cabinet Minister Rakkam A Sangma didiataha.
GHADC-o kam ka·enggiparangna adita salrangna skangsan jasani dormahako on·ahaoba tangka paisani gita neng·nikanirangko man·engani a·sel kam ka·enggiparangna da·o ja 30 batpile dormaharangko on·na man·kujaengachim.
GHADC-o iandakgipa neng·nikanirangko chagrongna nangengani gimin an·tangni suk ong·gijaniko parakatengon, ru·uta bilsirangonin GHADC-ko chalaiani bewalrang olgrokahani a·sel da·onan ia neng·nikanirangko namatchipna man·kujaenga ine Sangma aganaha.
Sangma-ni talatani gitade, GHADC-ni Executive Committee-ko National People’s Party (NPP) jako ra·na skang Congress EC-ni somoion kam ka·giparangna ja 20 ba ja 30-mang ong·pile dormaharangko on·chipangna man·jahani a·selsa dormaharang bangki dongrikrikbae da·alonan ia dormaharangko matchote on·na man·kujaenga.
District council-ko chalaiani bewal namen dingtangna gita nangengaha ine janapatengon, mikkangchiba district council-rangko chalaianio apsan dakgipa neng·nikanirangko chagrongaikuaigenchim ong·ode India sorkariba tangka paisani gita dakchakanirangko on·na ka·dongna man·jawaha ine Cabinet Minister parakataha.
District council-ko chalaianio, MDC-rang baksana district council-o kam ka·enggiparang aro songni Nokmarangba bak ong·pana nangenga ineba Sangma aganaha.
Chang 125-gipa Constitutional Amendment-ni bidingo janapatskaengon, Constitution-ni Sixth Schedule-ko taridapanichi district council-rang bang·bate tangka paisarangko man·na siengahani gimin ian district council-rangko mangrakbatatani chol ong·enga ine Sangma aganaha.
Autonomous district council (ADC)-rangni dingtang dingtang neng·nikanirangko namatna gita adita salrangna skangsan ma·mong sorkari, Union Minister Nityanand Rai-ni dilanichi dingtangmancha membor sakgittam donggipa committee-ko songe donangahachim.
Salgro salaram jolni dam 10 ADC-rangba, KHADC-ni CEM Pyniaid Sing Syiem-ni dilanichi, an·tangtangni chagrongna nangenggipa neng·nikanirangko nipilna gita dingtang committee-ko songe donangskaaha.
Na·simang ia video-koba nina man·gen:
Na·simang iakoba poraina man·gen: ‘Swachhata Hi Seva 2024’-ko maniani bak gita WGH-o Mega Cleanliness Drive-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
