Tura, Sept 8: Budbar salo, Garo Hills Autonomous District Council-ni session-ko ong•atani bon•kamgipa salo, gong kror 199, lak 23, 26,679-ni budget-ko National People’s Party (NPP)-chi dilenggipa Executive Committee donangaha. GHADC-ni itihaso ian bang•batsrange chamgipa budget-ba ong•aha.
GHADC-o gimik ge 22 department-rang gnang aro ia budget-o chamgipa mitam mongsonggipa department-ranga, Land & Revenue department-na gong 12,87,02,832/-, Taxation-na gong 5,48,95,525/-, Forest-na gong 21,18,26,600/-, Justice Administration-na 2,83,56,880/-, General Administration-na 10,66,23,156/-, Civil Works-na 65,9339,610/- , Agriculture-na 16,18,47,756/-, Rural Development-na 3,80,06,980/-, Council Transport-na 2,84,63,560, Loans & Advances-na 29,40,00,000/-, Relief & Rehabilitation-na 77,35,548/-, Rural Administration-na 8,36,98,088/-, Council Printing Press-na 2,63,11,914/-, Legislative department-na 3,18,03,600/-, Water Works-na 4,03,44,948/-, Tourism-na 4,78,71,312/- aro Finance department-na gong 2,92,70,570/- ong•enga.
Ia budget-na GHADC-ni man•enggipa tangka paisarang baksana sorkarini dingtang dingtang department-rangoniko gong 60,25,00,000 aro cotton growers association-ni licence fee-rangonioba gong 3,00,000/-ko man•dapna ka•dongenga.
