Tura, Sept 8: Budbar salo, GHADC-ni budget session-ni bon•kamgipa salo, Siju-ni NPP MDC Albinush Marak-ko GHADC-ni gital Deputy Chairman-na seokangaha.

Da•o dipet GHADC-ni Executive Committee-ko NPP baksana gipin MDC-rang bakrime chalaienga aro Deputy Chairman-na election-ko ong•atanio, NPP-ni MDC Albinush Marak, king 15 vote-rangko man•e gital deputy chairman-na seokako man•aha.

Deputy Chairman-ni biapna Marak baksa susaanggipa opposition dolni Rinaldo K Sangma, king 12 vote-rangko man•skaaha aro vote kingsade invalid ba choligipa ong•jaha.
GHADC-o sak 29 MDC-rangko seoke aro saksako nominate ka•e da•o dipet gimik sak 30 MDC-rang dongachim.