Tura, Mar 3: Garo Hills Autonomous DIstric Council-ni (GHADC) election-rango non-tribal candidate-rang bak ra·na man·na nanga ine gitcham MLA S.G. Esmatur Mominin aro gitcham MDC Sofior Rahman-ni parakatanirangko Garo Hills-o donggipa dolsa, Constitutional Rights Forum, raken jegalangaha.
Council-ni ge 29 seokgimin seat-rang-ko pilakna on·aniara Article 244(2) aro 275(1)-o autonomous district council-rangko bikotani miksonganiko pe·enga ine uamang jegalangaha.
Sixth Schedule-ni mongsonggipa miksonganiara tribal manderangko chel·chakna aro uamangko an·tangtangko sason ka·na on·na ine ong·a, aro pilak songdonggipa manderangni bak ra·aniko ra·chakani ong·ja ine Forum-ni manderang talatangaha.
Una agreba, Council-ara uni member-rangko seokani bidingo nangchongmotgipa janapanirangko dakna man·a, aro candidate-rangoniko Scheduled Tribe (ST) certificate-ko am·na man·a ine Sixth Schedule-ni Paragraph 2(7)-o janapaniko uamang parakataha.
Batanggimin salrango non-tribal manderangni bak ra·anirangko dakna man·aiahani gimin da·oba man·aigen ine ong·ja, aro uarangara dakgualanirangsan ong·a ine Forum-ni manderang aganangaha. GHADC, jakgitelgipa dol ong·e uni niamrangko darang gipinchi nangatgija tarina bil ong·a ineba uamang aganangaha.
Uandake Sixth Schedule-o janapgimin niamrangko rakkichina Governor-ko mol·molenba, District Council election-rango ST certificate-ko mesokaniko nangchongmotgipa dakataniko ra·chaka Forum-ni manderang parakatangaha.
Una agreba, GHADC-ara tribal-rangni bilrang aro man·gnirangko rakkigipa ong·na nanga aro ma·ambioni ong·bagipa Garo manderangni nangnikanirangko chel·chake rakkina niamni kri kam ka·na nanga ine uamang janapangaha.
Na·simang iakoba nina man·gen:
Na·simang iakoba poraina man·gen: State Reservation Policy-ni bidingo Expert Committee-ni report-ko JCCRP jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
