Shillong, Mar 19: Batanggimin Sonibar salo, Opposition Congress party-ni dilgipa aro Shillong-ni MP ong•enggipa, Vincent H Pala, April 19 tariko ong•atnasienggipa Lok Sabha Election-o, Congress party-na pu•onchina inenba, gipin political party-rangna chakpaenggipa manderangko didiataha.
West Khasi Hills a•jani sima arijolo donggipa Athiabari aro Malangkona-o wenaniko dakani somoio, gipin political party-na chakpaenggipa manderangko, apsan ku•mong nangrimenba, Congress party-na chakpaaniko on•china, maina, Congress party bilakosa songsalba bilakgen inenba Pala aganaha.
Ia sal somoirango sorkarini kam ka•enganiko janapengon, sorkari dolsakosan nioke kam ka•enga maina, man•e cha•gipa man•e cha•angroroenga aro kangalgipa kangal ong•roroenga jeon, bilo ong•enggipa manderangsa man•e cha•batroroenga. Iani gisepon, gipin a•songoniko badingsrukna cholrangko on•engani a•selo, guerangni damrangba namen tang•onaha. A•dok sorkari dolsanasa kamko ka•enggipa ong•a jean, jamano dal•a neng•nikaniko a•dokni chadamberangna ra•bagen inenba ua janapataha.
Unbaksana, sorkarini gita constitution-o ra•gatgimin niamrangko ja•rike, mikkang nitegija sakantinan kam ka•na nanga, jeon, man•e cha•giparang kajinarangko game dakchakanichi, kangal cholgri ong•e janggi tangenggipa manderangni gadangrangko tang•doatanio namdapatna nanga aro sorkarini kamoba sakantikon rakkina nanga aro ian Congress party-ni mangsonganiba ong•a ineba ua agandapataha.
Na·simang iakoba poraina man·gen:Matchapeng chadrapani a•sel paningsa saknaatako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
