Shillong, Dec 05: Sana-banani a·bao an·pachake kamko ka·enggiparangni tom·bimongani chong·motan, State Convention of Frontliners-ko Shillong International Centre for Performing Arts and Culture (SICPAC)-o, a·dokni Social Welfare-ni minister Pa Kyrmen Shylla-ni dongpaanio a·dokni skotong minister Pa Conrad K Sangma, Sombar salo do·ga oe on·anga baksana CM CARE-koba a·bachengate on·angjolaha.
Tom·ao bakko ra·enggiparangna aganprakatengon, song-nokni gadangrango bi·sa aro ma·giparangko nirok-sandie uamangna simsakanirangko on·anio pilakni gita dakchakaniangko on·enggiparangara anganwadi worker-rang, songo-noko sana-bananiko ong·enggiparang aro songko dilenggipa dolrangan ong·a ine skotong minister jinmao parakatenba, bi·sarangna aro ma·giparangna chu·onga gita cha·ani-ringanirangko on·e simsakatachi ma·giparangni bi·sako an·pakani somoio sianiko champengna aro bi·sarangni chu·onga gita cha·ani-ringaniko man·gijanirangko komiatna kamrangko ka·na nanggniko chinga ma·sie ja·kurangko de·chakataha ine parakataha.
Songadam biaprango mongsongbate pilak nangchongmotgipa lekka-porako on·ani, an·seng-baljokaniko on·ani aro cha·ani-ringanirangko on·anio an·pachake kamko ka·enggiparangko skotong minister dingtangmancha mitttelpilangenba, chu·onga gita cha·ani-ringanirangko man·gijanichi dingtang dingtang dake saanirango 90 percent-mangni gita komigen ine an·chingni Meghalaya a·dok gita dake chonbegipa biaponiko ka·dongsoa grichim, indiba ia apsan ja·kurangkon da·alo gipin a·dokrangoba ja·rikatpaenganichi na·simangan namako dakmesokchenggiparang gita ong·a ine parakatan baksa, anganwadi workerrangko aro Social Welfare department-ni team gimikkoba skotong minister de·mittele aganangjolaha.
Songsalni namgnina gisiko nange kamrangko ka·enganina AWW aro AWW helper-rangna on·pilskaaniko bariatanio skotong minister an·tangni kusi ong·aniko parakangengon, ia on·pilskaanirangara na·simangni an·tangtangnasan chanchiaigija gipinrangni namgnina chanchie gisiko nange kamrangko ka·e on·anina ka·sae on·pilskaani ong·a aro na·simangni kamo chingni dakchakaniko on·paani gita ong·a ine u·iatanga baksana, ru·utgijan a·dokoni pilak Anganwadi center-rangko Early Childhood Development Center-rangona ra·doatgnok jeon gimikni gitan namdapanirangba donggnok ineba Pa Sangma parakatjolaha.
Our Anganwadi Workers & Village Organizations are the agents of social change in our effort towards a Malnutrition Free Meghalaya
Pleased to announce the enhancement of honorarium to AWW Workers by ₹1500, Mini AWW by ₹750 & Helper by ₹500 wef 1st October, 2022@smritiirani pic.twitter.com/OF3QoIhfXI
— Conrad Sangma (@SangmaConrad) December 5, 2022
Iana skang, skotong minister, bi·sa aro ma·giparangni an·seng-baljokanina gisiko nange kamko ka·enganina on·pilskagipa tangkarangko AWW-na gong 1500-ko, Mini AWW-na gong 750-ko aro dakchakgiparangna gong 500-ko mija October 1 tarik dipet baridapatanikoba parakataha.
Happy to launch CM CAREs (Comfort, Assist, Respect, Empowerment) scheme
Through CM CAREs, the financial benefit of erstwhile CM’s Social Assistance Scheme has been increased from ₹500 to ₹750 per month w.e.f. October 2022@smritiirani @Drvirendrakum13 @socialpwds @MinistryWCD pic.twitter.com/OsqEiOt0kn
— Conrad Sangma (@SangmaConrad) December 5, 2022
Unbaksana, Chief Minister’s Social Assistance Scheme for Infirm, Single Mother & PWDs ine skango biming dongiminko CM CARE (Comfort, Assist, Respect, Empowerment)-ni mingjittaigipa CM CARE-koba skotong minsiter, a·bachengate on·angaha. Ia CM CARE-ni ning·o tangka-paisachi dakchakaniko on·enggipa gong 500-ni palo mija October 1 tarikoni dipat gong 750-ona bariatskaaha.
Congratulations to South West Garo Hills District & Ri Bhoi District on being awarded the Best Districts for commendable efforts in reducing SAM & MAM among children in their districts.
Presented the awards today in the State Convention of Frontliners@smritiirani @MinistryWCD pic.twitter.com/pCopfKcvEO
— Conrad Sangma (@SangmaConrad) December 5, 2022
Chu·onga gita cha·a-ringaniko man·gija bilgrie saani, SAM aro MAM-ko komiatna gita nangrime kamrangko ka·ani gimin District ge·prakoni State Best Award aro Best Project-rangko man·giparangkoba skotong minister mande ra·pilskaaniko dakangjolaha. Indake, best state award-ko South West Garo Hills aro Ri Bhoi a·jarang man·angaha.
